Assalomu-alaykum.
Forumga a'zo bo'lganimdan beri bir narsa e'tiborimni tortdi.
Butun kelishmovchiliklar, tortishuvlar, dilxiraliklarning barchasi Diniy mavzularda kelib chiqyabdi afsus. Bu meni shaxsiy fikrim.
Sababi barchamizning Diniy bilimimiz, dunyoqarashimiz, xozir yashab turgan joyimizdagi sharoitning turfa xil bo'lishi...
Bu narsa hech birimizni baxtiyor qilmayotganligi aniq.
Menda bir taklif bor: Biron bir İslomiy tushuncha haqida yangi mavzu ochmoqchi bo'lsak avvalo bu forumni ter to'kib shu kunlarga olib kelgan administratoriga maslahat qilsak.
Mayli bu mavzu darrov ochilmasin, chunki bir-birimiz bilan muloqotga o'tishimiz ham vaqt oladi. "Shoshilib qilingan ishga shayton aralashar", deydilar.
Yangi mavzuga oid qanday asar, qanday maqola bor bo'lsa, hammasi AbdulAzizning bir ko'z kechirishlaridan o'tsa.
Xudo ko'rsatmasin, erta-indin biron nojo'ya gap bo'lib qolsa hammamiz "inimizga kirib ketamiz", yana sababchi va gunohkor AbdulAziz bo'lib qolaveradilar.
Yoki biz Diniy mavzularda hech bir-birimizga odamday muomala qila olmas ekanmiz, AbdulAziz Diniy mavzularda a'zolarning yangi sahifalar ochishini ta'qiqlab qo'ysinlar.
Bir domlamiz aytardilar: "İnsonlar eng ko'p Din, Falsafa, Siyosat haqida tortishladilar. Kelinglar-chi Tibbiyot, Fizika va shunga o'hshash aniq fanlar haqida ham tortishib ko'ringlar-chi!"
Eng muqaddas qadriyatimiz İslom Dinimiz haqida hurmat bilan so'z yurita olsakkina yuritaylik bo'lmasa bu mavzularni bu ishning Ustozlaridan tinglab tura qolaylik.
Tilagim, bir insonning ko'z nurining, umrining samarasi bo'lgan Ziyouz forumiga ko'cha-kuydagidek muomalada bo'lmaylik.
Barchangizga tinchlik-omonlik tilab qolaman....
