O’ttiz ikkinchi tavsiya.
Istixora namozi.
Jobir ibn Abdyllohdan r.a. rivoyat qilinadi:"Rasululloh sav barcha ishlarimizda bizga Qur’ondan bir aura o’rgatgan kabi istixorani o’rgatar ba shunday der edilar:"Sizlardan bir kishi bir ish qilmoqchi bo’lsa, ikki rakat nafl namozi o’qisin va shunday desin:"Allohim, men Sening ilming ila Sendan xayr tilayman. Seni qudratingdan qudrat tilayman va ulug’ fazli karamingdan nasib etishingni so’rayman. Sen har narsaga qodir Zotsan. Men esa kuchsizman,Sen har narsani bilguvchisan, men esa bilmayman. Va Sen butun g’aybni muakmmal bilguvchisan. Allohim, agar qilmoqchi bo’lgan ishim menga dinimda, hayotimda va amallarimning oqibati xozirda va kelgusida yahshi bo’lsa, uni menga taqdir qilgaysan va osonlashtirgaysan. Keyin bu ishimda menga barakot ato etgaysan. Agar bu qilmoqchi bo’lgan ishim menga dinimda, hayotimda va amallarimning oqibati xozirda va kelgusida yomon bo’lsa, uni mendan, meni esa undan uzoqlashtirgaysan. Yahshilik qaysida bo’lsa uni menga taqdir qilgaysan,keyin meni unga rozi qilgaysan",desin va xojatini aytsin".
Imom Buxoriy, Abu Dovud, Termiziy, Nasaiy, Ibn Moja
Istixoraning foydasi haqida quyidagi jadisni ham zikr qilish mumkin:
Sa’d ibn Abu Vaqqosdan r.a. rivoyat qilinishicha, Rasululloh sav shunday marhamat etganlar:"Bani Odamning Allohga qilgan istixorasi uning mas’ud va baxtiyorligidandir".
Ahmad ibn Hanbal,"Musnad".