Qirq oltinchi tavsiya.
O’tirilgan majlisning kafforati.

Abu Hurayradan r.a. naql qilinishicha,Rasululloh sav shunday marhamat etganlar:"kim bir majlisda hozir bo’lsayu, u majlisda behuda gaplar va baqir-chaqirlar ko’p bo’lsa, u kimsa majlisdan turishidan oldin:"Subhanakaallohumma va bihamdika ashhadu an la’ ila’ha illa’ anta astag’firuka va atubu ilayka", desa, bu majlisda bo’lgan narsalar undan kechiriladi".
Imom Termiziy, Abu Dovud, Nasaiy, Ibn Hibbon.

Qirq yettinchi tavsiya.
Tasbehning fazilati bayonida.

Abu Zarr r.a. aytadi:"Rasululloh sav menga:"Allohga eng maqbul bo’lgan so’zni sizga bildiraymi?’ dedilar. Men:"Ha, bildiring yo Rasululloh", dedim. Shunday marhamat etdilar:"Alloh taologa eng maqbul so’z:"Subhanallohi va bihamdihi"dir".
Imom Muslim, Nasaiy.

Imom Muslim keltirgan rivoyatda xabar berilishicha, Rasulullohdan sav:"Qaysi so’z fazilatliroqdir?’, deb so’raganlarida, Rasululloh sav:"Alloh taolo farishtalari va bandalari uchun tanlagan "œSubhanallohi va bihamdihi", deya marhamat qildilar.

Abdulloh ibn Amrdan r.a. rivoyat qilinishicha, Rasululloh sav shunday marhamat etganlar:"Kim "œSubhanallohi va bihamdihi", desa, uning uchun jannatda bir xurmo daraxti ekiladi".
Al-Bazzor.

Abu Hurayra r.a. aytadi:"rasululloh sav marhamat etdilar:"Subhanallohi va bihamdihi", "œSubhanallohil-a’ziym" tilga yengil, mezonda og’ir bo’lgan va Rahmonga xush keladigan ikki so’zdir".
Imom Buxoriy, Muslim, Termiziy.

Qirq sakkizinchi tavsiya.
Sayyidul istig’for.

Saddod ibn Avsdan r.a. rivoyat qilinishicha, Rasululloh sav shunday marhamat etganlar:"Sayyidul istig’for" (Ya’ni eng fazilatli istig’for va tavba-tarj) bandaning shunady deyishidir:"Allohumma anta Robbi la’ ila’ha illa’ anta xalaqtani va ana a’bduka va ana a’la ahdika va va’dika mastata’tu a’uzu bika min sharri ma’ sana’tuabu’u laka bini’matika alayya va abu’u bi zanbi fag’firli fa innahu la’ yag’firuz-zunuba illa’ anta".
Kim buni ixlos bilan kunduzi aytsa va oqshomdan avval vafor etsa, inshaalloh, u jannat ahlidan bo’ladi. Kim buni ixlos bilan kechasi aytsa va tongdan avval vafot etsa, inshaalloh, jannat ahlidan bo’ladi".
Imom Buxoriy.

Qirq to’qqizinchi tavsiya.
Jannat daraxti.

Abu Hurayradan r.a. rivoyat qilinishicha, u daraxt ekib turganida, Rasululloh sav uning yoniga kelib shunday marhamat etdilar:"Ey Abu Hurayra, nima ekayapsan?’. Men:"Daraxt ekyapman", dedim. Rasululloh sav:"Men sizga bundan ham xayrliroq daraxtni ko’rsataymi, "œSubhanallohi valhamdulillahi vala’ ila’ha illallohu vallohu akbar", bu duoni har o’qiganingizda jannatda sizga bir daraxt ekiladi".
Ibn Moja, Hakim.

Elliginchi tavsiya.
Chayon chaqishiga qarshi muhofaza.

Abu Hurayra r.a. naql qiladi:"Bir kishi Rasulullohning sav huzurlariga kelib:"Yo Rasululloh sav kecha meni chayon chaqib, qanchalar azob tortganimni bilsangiz edi", dedi.Rasululloh sav marhamat etdilarki:"Kechga chiqqaningizda agar:"A’uzu bi kalimatillohi at tammati min sharri ma’ xalaq", deb, duo qilganibgizda, sizga hech qanday zarar yetkazmagan bo’lardi".
Imom Molik,"Muvatto",Muslim, Termiziy.

Fotiha surasini o’qib davolanish.

Abu Said al-Xudriy r.a. aytadi:"Bir guruh sahobalar safarga chiqishgan edi. Ular arablarning qabilalaridan biriga borishdi va ulardan mehmon qilishni so’rashdi. Lekin qabila ahli ularni mehmon qilishni istashmadi. Shu paytda qabila raisini hashorat chaqib, har tomonga yugurib qolishdi., ammo hech narsa foyda bermadi. Bir kishi:"Ana u musofirlarning yoniga borsangiz, balki ularda bir nima topilib qolar", dedi. Ular darhol yonlariga kelib:"Ey, jamoa, raisimizni hashorat chaqdi, barcha harakatimiz zoye’ ketdi. Balki szilarda bir nima bordir?’, deyishdi. Sahobalardan biri:"Allohga qasamki, men davolay olaman. Ammo sizlardan bizni mehmon qilishingizni so’ragan edik, rad javobini berdingiz.Shuning uchun haqqini to’lamasangiz, men ham davolamayman",dedi. Ular bir nech qo’y berishga va’da qilishdi. Sahobiy Fotiha surasini o’qib ufladi. Rais chigali yozilgan kabi jonlandi va turib ketdi.Og’riqdan xalos bo’ldi. Ular kelishilgan haqni unga berishdi. Sahobalardan biri:"Qo’ylarni bo’lishing", dedi. Davolagan sahobiy esa:"Yo’q, Rasulullohga borib, ahvolni xabar bermaguncha bir narsa qilmang. U kishi qanday amr qilishlarini ko’raylik", dedi. Rasulullohning sav xuzurlariga borib, bo’lib o’tgan, voqeani tushuntirishdi. Rasululloh sav:"Foriha surasini davolashini qayerdan bildingiz? Sizga g’animat keldi, uni bo’lib oling, o’zingiz bilan birga menga ham hissa ajrating", deya marhamat qildilar va kuldilar".
Imom Buxoriy.

Ellik birinchi tavsiya.
Rizqning ochilishi va qarzdan xalos bo’lish uchun duo.

Mo’minlarning onasi Oisha r.a. naql qiladilar:"Abu Bakr r.a. mening yonimga keldilar va:"Rasulullohdan sav bir duo eshitib o’rgandim", dedilar. Men:"u nima ekan?", dedim. Shunday dedilar:"Maryamning o’g’li iyso birodarlariga shunday der edi:"Agar sizlardan bir kishi tog’chalik oltin qarzi bo’lsa ham, ushbu duoni o’qisa, Alloh taolo uni qarzdan xalos etadi:"Allohumma fa’rijil hammi ka’shifal g’ammi mujibadda’vatil-muztorriin Rahma’nud-dunya val o’xiro va Rahimahuma anta turhimuni farhamni bi rahmatin tug’nini biha’ an rahmati man siva’ka". Abu Bakr r.a aytadiki:"men shu tarzda duo qilardim,Alloh menga ko’p naf’ keltirar, qarzlarin to’lanardi".
Hazrati Oisha r.a. deydilarki:"Men ham shu duo bilan duo qilardim. Qisqa vaqt ichida ALloh taolo meni na sadaqa sifatida kelgan van a meros yo’li bilan kelgan bir rizq bilan rizqlantirardi. Alloh qrzdan xalos etdi, bu rizqni chiroyli tarzda oilamga bo’lib berdim. Abdurahmonning qiziga ham bu moldan uch uqiyya taqinchoq va ziynar berdim, o’zimizga ham yahshigina mol ortib qoldi".
Al-Bazzor, Hakim, Isbahoniy.

Ellik ikkinchi tavsiya.
Infoq ehson qilishlik bayonida.

Abdulloh ibn Amr ibn Os r.a. naql qiladi:"bir kishi Rasulullohdan sav so’radi:"Musulmonlikda qaysi amal yahshiroq?". Rasululloh sav shunday marhamat etdilar:"Taom yedirasiz va tanishga ham, notanishga ham salom berasiz".
Imom Buxoriy, Muslim.

Abu HUrayradan rr.a. rivoyat qilinishicha, Rasululloh sav shunday marhamat etganlar:"Bandalar ichidan hozir bo’lgan hech bir kun yo’qki, ikki farishta nozil bo’lib, ulardan biri:"Allohim,xayr yo’lida infoq ehson qilgan bandalarning molini davomli qilgin". Boshqasi:"Allohim, qo’li berk bo’lganlarning moliga talofat ber", demagan bo’lsin.
Imom Buxoriy, Muslim.

Abdulloh ibn Mas’ud r,a. rivoyat qilishicha, Rasululloh sav shunday marhamat qilganlar:"Faqat ikki kishiga hasad qilish bordir. Bular — Alloh taolo mol-mulk bergan va bu molni haq yo’lda sraflagan kimsa va yana Alloh taolo hikmat ato etgan va bu hikmat ila hukm etib, bu hikmatni boshqalarga o’rgatgan kimsa".
Imom Buxoriy, Muslim.

Yana Abdulloh ibn Mas’uddan r.a. rivoyat qilinadiki, Rasululloh sav shunday marhamat etgnlar:"Sizlardan kimga meros qolgan mol o’z molidan sevimliroqdir?". Sahobalar:"Yo Rasululloh, bizning oramizda o’z moli sevimliroq bo’lmagan hech kimsa yo’q", deyishdi. Rasululloh sav marhamat etdilar:"uning moli tirikligida xayr yo’lida ehson qilganidir. Vorisning moli esa xayr yo’lida sarflamay orqada qoldirganidir".
Imom Buxoriy.

Adiy ibn Hotimdan r.a. rivoyat qilinishicha, Rasululloh sav marhamat etganlar:"Yarimta xurmo bilan bo’lsa ham, do’zavdan himoyalaning".
Imom Buxoriy, Muslim.

Abu Hurayradan r.a. rivoyat qilinishicha, Rasululloh sav marhamat etganlar:"Alloh shunday marhamat qiladi:"Ey bani odam, xayr yo’lida ehson qilginki, senga ham ehson qilinsin".
Imom Buxoriy,Muslim.