Oltinchi shavt duosi
«Allohu akbaru, Allohu akbaru, Allohu akbaru, valillahil hamdu. La ilaha illallohu vahdahu, sodaqo va’dahu, vanasora ‘abdahu va hazamal ahzaba vahdahu, la ilaha illallohu va la na’budu illa iyyahu muxlisiyna lahuddiyna valav karihal kafiruun. Allohumma inniy as`alukal huda vattuqo val’afafa valg‘inaa. Allohumma lakal hamdu kallaziy naquulu vaxoyro mimma naquulu. Allohumma inniy as`aluka rizoka valjannata vaa’uuzu bika min saxotika vannari va ma yuqorribuniy ilayha min qovlin av fi’lin av ‘amalin, Allohumma binuurika ihtadayna vabifazlika istag‘nayna vafiy kanafika va`in’amika va ‘atoika va`ihsanika asbahna va`amsayna. Antal avvalu fala qoblaka shay`un, val`aaxiru fala ba’daka shay`un, vazzohiru fala shay`un favqoka, valbatinu fala shay`un duunaka, na’uuzu bika minal falasi valkasali va’azabil qobri vafitnatil g‘inaa, vanas`alukal favza biljannati. Robbig‘fir varham vatajavaz ‘amma ta’lam, innaka ta’lamu mala na’lamu innaka antal `a’azzul akromu. (Innassofa val marvata min sha’a`irillahi faman hajjal bayta avi’tamaro fala junaha alayhi ay yattovvafa bihima vaman tatovva’a xoyron fa`innalloha shakirun ‘aliymun)».
Alloh ulug‘dir, Alloh ulug‘dir, Alloh ulug‘dir, hamd Alloh uchundir. Hech iloh yo‘q, magar yolg‘iz Alloh bordir. Uning va’dasi rost bo‘ldi, U bandasiga yordam berdi va guruhlarni yolg‘iz o‘zi yengdi. Hech iloh yo‘q, magar Alloh bordir. Dinda Uning uchun xolis turgan holatda, faqat Uning o‘zigagina ibodat qilamiz, agarchi kofirlar yomon ko‘rsalar ham. Allohim, men Sendan hidoyat, taqvo, iffat va boylikni so‘rayman. Allohim, Senga biz aytayotganimizdek va aytayotganimizdan ham yaxshiroq hamd bo‘lsin. Allohim, men Sendan roziligingni va jannatni so‘rayman va g‘azabingdan, do‘zaxdan va unga yaqinlashtiruvchi so‘z, fe’l va yoki amal kabi narsalardan panoh so‘rayman.
Allohim, Sening nuring bilan hidoyatlandik. Va Sening fazling bilan behojat bo‘ldik. Sening g‘amxo‘rligingda, in’omingda, atoingda va ehsoningda tong ottirdik va kech qildik. Sen avvalsan, Sendan avval hech narsa yo‘q. Oxirsan, Sendan keyin hech narsa yo‘q. Zohirsan, Sening ustingda hech narsa yo‘q, Botinsan, Sensiz hech narsa yo‘q. Sendan sinishlik, dangasalik, qabr azobi va boylik fitnasidan panoh so‘raymiz. Va Sendan jannatni qozonishni so‘raymiz.
Rabbim, mag‘firat qil va rahm qil, afv et, mukarram qil va bilgan narsalaringni kechib yubor. Albatta biz bilmagan narsalarni bilasan. Albatta, Sen aziz, akram Allohdirsan.
«Albatta Safo va Marva Alloh (buyurgan) marosimlardandir. Bas, kim haj yoki umra qilsa, u ikki tog‘ orasida sa’y qilishining gunohi yo‘qdir. Va kim o‘z ixtiyori-la yaxshilikni niyat qilsa, bas, albatta Alloh shukr qilguvchi (taqdirlovchi) va bilguvchidir».