Olmadan - olma, dovchadan - dovcha.

* * *

Olmaning tagida olma yotar,
Dovchaning tagida dovcha.

Olov degan bilan o'g'iz kuymas.

* * *

Orqadagi gap -oxurdagi yem.

Pishmagan oshdan hom oshqovoq yaxshi.

* * *

Uzoqning bug'doyidan,
Yaqinning somoni yaxshi.

Uzoqning qozisi bo'lguncha,
Yaqinning tozisi bo'l.

* * *

Uzoqqa tuzoq qo'yma.

Falon yerda oltin bor,
Borsang, paqir topilmas.

* * *

Chiqmagan bug'doyga o'tmagan o'roq.

Chiqmagan terakka kelmagan laylak in qurar.

* * *

Yashirin narsa yetmish yilda topilar.

O'zganing mis qozonidan,
O'zingning qora qozoning yaxshi.

* * *

O'zganing otidan,
O'zingning eshaging yaxshi.

Qorasi ko'ringanidan qoldim dema,
Qo'lingga tegmaganni oldim dema.

* * *

Halovo degan bilan o'giz chuchimas.

Avval kelgan ho'kiz,
Suvning tozasini ichadi.

* * *

Avvalgi savdo -savdo,
Keyingi savdo -g'avg'o.

Barvaqt qilingan harakat ,
Hosilga berar barakat

* * *

Bahorgi beg'amlik -kuzgi pushaymonlik.