Bahorning bir kuni qishni boqar.

* * *

Bevaqt qichqirgan xo'rozning,
Tojidan qon olinar.

Besh kunim - hush kunim.

* * *

Bir kun burun sochsang,
Hafta burun o'rasan.

Bozordan qolgan bir kun qolar,
Ekishdan qolgan bir yil qolar.

* * *

Bolta tushguncha, kunda dam olar.

Bugungi ishni ertaga qo'yma.

* * *

Bultur edi kuygani,
Endi keldingmi so'rgani.

Vaqillagan vaqtni o'tkazar,
Qo'lidan naqdni ketkazar.

* * *

Vaqt aqchadir,
G'ofil bo'lma, qochadir.

Vaqt ketdi - baxt ketdi,
Toji sari taxt ketdi.

* * *

Vaqt -omad.

Vaqt tog'ni yemirar ,
Suv toshni kemirar.

* * *

Vaqt o'tgandan keyin,
Qilichingni toshga chop.

Vaqtdan yutding - baxtdan yutding.

* * *

Vaqt g'animat
O'tsa - nadomat.

Vaqti yetsa qush ham bolasiga uya qurar.

* * *

Vaqti kelsa, fil sichqondan qo'rqar.

Vaqtim bo'shga ketdi,
Erim go'shtga ketdi.

* * *

Vaqting bor - naqding bor.