Ey, do'st, ulug'larni hurmat qil, foydasiz har narsaga aralashishdan va tortishuvdan saqlan.
Ahmad Yugnakiy

Niyatlarga ko'ra qancha-qancha kichik ishlar ulug' bo'ladi, yana niyatlarga ko'ra qancha - qancha katta ishlar arzimasga aylanadi. Abdulloh ibn Muborak

Har kim uch narsani sevsa shayton uni yo'ldan ozdirishi oson bo'ladi: yahshi kiymoq, yahshi yemoq va ayollar bilan o'ltirmoq".
Uvays Qaroniy

Ko'zni ayollarga tikishdan va ularni tomosha qilishdan tiymoq kerak. Aqlning so'nishiga, hayo pardasini yirtilishiga va eng muhimi ibodatning "mazasi" yo'qolishiga asosiy sabab shudir.
Muhammad Nurulloh Saydo Jazariy

So'zlagan vaqtimda og'zimdan yomon so'zlar ham chiqib ketishi mumkin. Dushmanim esa og'zimdan chiqqan yomon so'zlarnigina terib oladi. Chunki dushmanning nazari yomondan bo'lakka tushmaydi."
Sa'diy Sheroziy

"Namozingni hayot bilan vidolashayotgandek o'qi. Yana bir bor olishingni o'ylama.Shuni bilkil-ki, mo'min kishi biri bajarilgan va biri bajarilmagan yashilik orasida o'ladi".
Maoz ibn Jabal

Hushu'siz o'qilgan namozda, bekorchi so'zlardan tiyilmay tutilgan ro'zada, tafakkursiz o'qilgan qiroatda, parhezsiz ilmda, ehson qilinmagan molda, bir-birini himoya qilinmagan birodarchilikda, doimiy bo'lgan ne'matda, ihlossiz qilingan duoda hech qanday yahshilik hayr yo'qdir
Ali ibn Abu Tolib r.a.

Poklik kambag'allikni, shukr ne'matni,sabr baloni, halimlik ilmni, o'zini past tutish shogirdni, ko'p yig'lash Allohdan qo'rqishni, minnat qilmaslik ehsonni, hushu' namozni ziynatidir.
Abu Bakr Siddiq r.a.

1.Osmondan og'irroq - pok kishiga bo'hton qilmoq.
2.Yerdan kengroq - haqiqat.
3.Dengizdan boyroq - qanoatli kishining qalbi.
4.Toshdan qattiqroq - munofiqning qalbi.
5.Olovdan issiq - zolim podshoh.
6.Muzdan sovuq - pastkashga muhtoj bo'lmoq.
7.Zahardan achchiqroq- sabrdir.
Ali ibn Abu Tolib r.a.

O'limni haqligini bila turib kulgan odamga, dunyoni o'tkinchiligini bila turib unga rag;bat qilgan odamga, hammasi qadarga bog'liqligini bila turib o'tgan ishga g'am chekkan kishiga, ohiratda hisob-kitob muqarrarligini bila turib mol to'plagan kishiga, do'zahni bila turib gunoh qilgan kishiga, Allohni haqligini bila turib boshqa kishilarni nomini zikr qilgan kishiga, jannatni bila turib dunyodan rohatlangan kishiga va shaytonni dushmanligini bila turib unga itoat qilgan kishiga ajablanaman va achinaman.
Usmon ibn Affon r.a.

1. Allohga ibodat qiling - hojatingizga yarasha.
2. Dunyodan oling - umringizga yarasha.
3.Dunyoda tayorlaning - qabrda turishingizga yarasha.
4.Jannat uchun amal qiling - kutgan maqomingizga yarasha.
5. Gunoh qiling - Allohning azobiga toqatingiz yetguncha.

Shaqiq Balhiy.

Mubashshir:

Shoshqoloqlik - shaytondandir, lekin besh narsada shoshilish sunnatdir.
1. Mehmonga taom berishda.
2.Qiz voyaga yetganida uzatishda.
3. O'likni ko'mishda.
4. Qarzni to'lashda.
5. Gunoh qilganda tavba qilishda.

Dunyoni yahshi ko'rishlik zulmat - uni chirog'i taqvo, gunoh zulmat- uni chirog'i tavba, qabr zulmat - uni chirog'i "Kalimayi shahodat", ohirat zulmat - uni chirog'i solih amal, sirot zulmat - uni chirog'i IYMONdir".
Abu Bakr Siddiq r.a.

Amallarning eng og'iri to'rttadir: g'azab kelganida yutib yubormoq, qiynalgan vaqtda sadaqa qilmoq, holi qolganda ham pok bo'lmoq va o'zi qo'rqadigan yoki biror narsa tama' qiladigan kishisiga haq so'zni aytmoq".
Ali ibn Abu Tolib r.a.

Odam bolasi o'lganidan keyin to'rt talashuvchilarga duch keladi: o'lim farishtalari uni ruhini talashadilar, merosho'rlar molini talashadilar, qurt - qumursqalar jismini talashadilar va Qiyomatda husumatchilari uning amalini talashadilar".

Boylar Alloh bergan narsalarga bahillik qilmasalar, ulamolar bilgan ilmlariga amal qilsalar, ilmsiz kishilar bilmagan narsalarini so'rashda mutakabbir bo'lmasalar, faqir kishilar ohiratlarini dunyolariga sotib yubormasalr din va dunyo qoimlikda bo'lardi".
Ali ibn Abu Tolib r.a.

Haromga parvo qilmasdan qorin to'ydirish, zolimlar ila suhbatda bo'lish, o'tgan gunohlarni unutish va uzun orzu qilish qalbni zulmat qoplaganidan dalolatdir".
Abdulloh ibn Mas'ud r.a.