Dunyonig izzati mol bilan, oxirat izzati solih amallar bilan.
Hazrati Umardan (r.a.)

Ilmning avvali sukutdir. Keyingisi tinglamoq, so’ng uni asramoqdir. To’rtinchisi unga amal qilmoq, beshinchisi uni yoymoqdir.
Sufyoni Savriy

Sufyoni Savriy aytadi: "œO’nta ish borki, ular jafodir:
1.kishi yoki ayol o’zi uchun duo qilsa-yu, ota-onasi va mo’minlar haqqiga duo qilmasa;
2.Qur’on o’qishni bilsa-yu, har kuni undan yuz oyat o’qimasa;
3.qabristondan o’tib, u yerdagilarga salom bermasa va duo qilmasa;
4.masjidga kirib, namoz o’qimasdan chiqib ketsa;
5.juma kuni shaharga tushib, juma namozini o’qimasa;
6.mahallaga bir olim kelsa-yu, uning ilmidan o’rganish uchun borilmasa;
7.ikki kishi yo’ldosh bo’lisha-yu, bir-birining ismini so’ramasa;
8.yigit ilm va odob o’rganmasdan, yoshligini bekor o’tkizsa;
9.ziyoratga chaqirilganda borilmasa;
10.o’zi to’q bo’lib, qo’shnisi och bo’lsa, taomidan hech narsa bermasa."

Dilmurod Qo’shoqov tarjimasi

Ali ibn Abu Tolibdan (r.a.) so’rashdi:
-Sharq bilan g’arb oralig’idagi masofa qancha?
-Quyosh uchun bir kunlik yo’l.
-Yer bilan osmon oralig’I qancha?
Mustajob bo’lgan duoga teng.

Asjudiy hikoya qilib deydi:
"œBir kechasi otam Ishoq al-Kasoiyning oldiga bir kishi keldi. Otam undan:
-Tunda meni qidirib kelishga, seni nima majbur qildi? — deb so’radi.
-Bir kishidan qarzim bor.
-Qancha qarzing bor?
-To’rt yuz dirham.
Otam qarzdorga kerakli pulni berib jo’natgach, yig’lay boshladi. Men hayron bo’lib:
-Nega yig’laysiz? Axir bir qarzdorning mushkulini oson qildingiz-ku?! — dedim.
-Hojatmandlar meni qidirib yurganiga yig’layman. Aslida men ularni qidirishim kerak edi, - dedi otam".


Bir kishi boshqa shaharning voliyiga o’sha yerda yashayotgan do’stini qoralab, shikoyat xati jo’natdi. Ma’lum muddat o’tib, shahar voliyidan javob keldi: "œTalablaringizga ko’ra do’stingizni jazoladik. Sizdek odam bilan do’st tutungani uchun"¦".

Unisi bo’lmasa bunisi

Hakim bir a’robiydan so’radi:
- Alloh bandalariga bergan ne’matlarning eng ulug’I qaysi?
- Yaxshi yashash uchun aql ne’mati, - deb javob berdi a’robiy.
- Agar u bo’lmasa-chi?
- Unga insonga odob ziynat bo’ladi.
- U ham bo’lmasa-chi?
- Mol-mulk ne’mati uning ayblarini bekitadi.
- U ham bo’lmasa-chi?
- Unda bir chaqmoq kifoya. Undan yurt ham, odamlar ham qutiladi.

Ko’p gap qalbni o’ldiradi

Umar ibn Xattob (r.a.) ahnaf ibn Qaysga nasihat qilib aytdiki:
"œEy Ahnaf, kim ko’p gapirsa, nodonligi ko’payadi, kimning nodonligi ko’paysa, hayosi kamayadi, kimning hayosi kamaysa, e’tiqodi susayadi. Kimning e’tiqodi susaysa, qalbi o’ladi".

Ibn Hajar Asqaloniyning "œOxirat kuniga tayyorgarlik" kitobidan

Ilm va boylik har qanday aybni yashiradi, johillik bilan faqrlik esa, oshkor etadi.
Hakim

"œMutlaq kuch va qudrat O‘zinggagina xosdir, Allohim!"
Abu Bakr r.a.ning so'nggi so'zlari

"œKa’baning Parvardigoriga qasamki, bular mening shahidligimga guvohdir!"
Hazrat Usmon r.a.ning so'nggi so'zlari

"œAllohim, diydoringni Umarga xayrli qil! La ilaha illalloh"
Umar ibn Abdulazizning so'nggi so'zlari

Ajal ila yuzlashmasdan oldin,beriladigan har narsangni berib qolishing lozim.
Jaloliddin Rumiy

Boshqani yo'lga solaman deb o'zi yo'ldan adashganlar juda ko'pdir.
Janob Shahobiddin

O'lim mushkul ish emas,mushkuli- o'limdan oldin o'lishdir.
Yahyo Kamol

Dunyoni yamadik yirtib olib dinimizdan, din ham ketdi, dunyo ham ketdi qo'limizdan.
Ibrohim Adham

Kishining sirini aytmaslikni oynalardan o'rgandim.
Nihot Osiyo

Johil dovulga o'hshaydi, ovozi kuchli ammo ichi bo'shdir.
Sa'diy Sheroziy