Aytishlaricha, Abu Shurayh piyoda yurar, o'tirsa to'niga o'ranib olib yig'lay boshlar edi. Undan:
- Nega yig'layapsiz, deb so'rashsa, u:
- Umrim o'tayotgani, amalim ozligi va ajalim yaqinligi esimga tushib qoldi - der edi.
Imom G'azzoliy

Kitob - mashg'ullik paytingda o'zi so'z boshlamaydigan, ish vaqtingda chaqirmaydigansuhbatdoshdir. Unga chiroyli ko'rinishing shart emas.
Kitob - senga laganbardorlik qilmaydigan o'rtoq, seni aldamaydigan do'st, malol kelmaydigan yo'ldosh va tahqirlamaydigan nasihatgo'ydir.
Ahmad ibn Ismoil

Kelish va ketish - hayot va hurriyat. To'xtab qolish esa o'limdir.
Qobus

Hazrati Umar (r.a.) bir kishining kimligini bilishni istadi. Odamlardan:
-Bu kishi xususida nimalar bilasizlar?! — deb so’radi.
-Ey mo’minlarning amiri! Men uni taniyman.
U yaxshi odam, - deb javob berdi birlari.
Shunda Umar (r.a.) unga bir necha savol berdi:
-Uni yaxshi taniysanmi?
-Ha, yaxshi taniyman.
-Nima, uning qo’shnisimisan?
-Yo’q, qo’shnisi emasman.
-Unda u bilan safarda birga bo’lib, go’zal axloqli ekanini o’shanda payqadingmi?
-Yoq, u bilan birga safarga chiqmaganman.
-Yo u bilan oldi-berdi qildingmi? Kishining kimligi savdo-sotiq ustida yaxshi bilani.
-Yoq, ey Umar, savdo-sotiq ham qilmadim.
-Sen uning masjidda namoz o’qiganini ko’rib, yaxshi deyapsan shekilli?!
-Ha!
Shunda Umar (r.a.) bunday dedi:
Ketaver yo’lingdan qolma. Sen bu odamni tanimas ekansan.
Bu hodisa ikkinchi xalifa Hazrati Umarning (r.a.) qiyomatgacha musulmonlarga qoldirgan go’zal sabog’idir.
Inchunin, bir hodisda: "œKishining namozi va ro’zasi sizni aldab qo’ymasin. Uning pul ustidagi muomilasiga qarang", deyilgan.

Ta’ma qilish olimdan hikmatni ketkazadi
Sam’on rivoyati

Agar Alloh bir qavmga boylikni va taraqqiyotni iroda qilsa, ularga tejamkorlikni va qanoatni beradi. Agar Alloh bir qavmga "œkesmoqni" iroda qilsa, ularga xiyonat eshigini ochib qo’yadi.
Ahmad ibn Hanbal rivoyati

To’rt toifa odamlarni Allloh yomon ko’radi: qasamxo’r savdogarlarni, takabbur kambag’allarni, zinokor keksalarni va zolim podshihni.
Nasoiy va Bayhaqiy rivoyatlari

«Sog‘liqning qadrini bilgil
xasta bo‘lmasdan burun,
Xastalik shukrini qilgil
toki o‘lmasdan burun,
Quruq yer qadrini bil
daryo toshmasdan burun,
Kemada hushyor o‘tirgil
girdobga kelmasdan burun,
Yoshlikning qadrini bil,
to keksaymasdan burun».

Maxtumquli

Man etilgan amallar:

Rasululloh sallallohu alayhi va sallam:
Odamlardan chetga chiqib, xilvatda zohidlik qilishni;
Marhumlar sha’niga mubolag’a bilan madhiya va marsiya aytishni;
Ummatlarning turli nazr-niyoz qilishlarini;
Bir uyda yakka uxlashni;
Har qanday mast qiluvchi va bo’shashtiruvchi narsalar (ya’ni, giyohvandlikni);
Janglarda ayollarni va norasidalarni qatl qilishni;
Soch va soqolning oqlarini yulib tashlashni;
Safardan o’z uyiga kechasi bemahal kirib kelishni;
Ikki kishining o’rtasini beijozat yorib, oralariga suqulib kirib o’tirishni;
Ummatlarini birovlarni yanglashtirishdan;
Oltin va kumush idishlarda ovqat yeyish yoki ichimlik ichish;
Qabriston ustida namoz o’qishni;
Sabir (aloe) kabi zaharli giyohlarni ko’p iste’mol qilib, hoh inson, hoh, hayvonlarning o’lib ketishini;
Mahluqlarning yuziga tamg’a bosmoqni va yuziga urmoqni;
Otaning ismini aytib chaqirishni, undan oldinda va yuqorida o’tirishni;
Ko’p savol so’rashni, molni zoe qilishni va asossiz gaplarni og’izdan-og’izga naql qilib yurishni man etganlar.

Avvalgilar va keyingilar

Bir kishi Abul Qosim al-Hakimdan so’radi:
-Nega ilgari zamondagi olimlarning pand-nasihatlari odamlarga ta’sir qilar edi-yu, hozirgi olimlarniki ta’sir etmaydi?
Hakimning javobi so’ng darajada ma’nodor bo’ldi:
-Ilgari zamonda olimlar uyg’oq, odamlar uyquda edilar. Uyg’oq kishi uyqudagini uyg’ota olganidek, ularning pand-nasihatlari ham odamlarga ta’sir etardi. Bugungi kunda olimlar uyquda, odamlar esa o’lik. O’zing ayt-chi, uyqudagi kimsa o’likni tiriltira oladimi?!

Muhim narsa

Bir kini Abu Said Abu Hayr hazratlaridan:
-Falonchi kishi karomati bilan suv ustida yurar ekan, siz bunga qanday qaraysiz? — deb so’radi.
-Buning ahamiyati yoq, chunki o’rdak ham suvda yura oladi.
-Falonchi havoda uchadi. Unisiga nima deysiz?
-Pashsha bilan burgut ham havoda uchadi.
-Falonchi bir vaqtning o’zida ikkita joyda bo’la olar ekan?
-Shayton ham bir vaqtning o’zida ikkita joyda bo’la oladi. Dinimizda bunaqa ishlarning ahamiyati yoq.
-Unday bo’lsa, Islomda muhim narsa nima?
-Muhimi halqning orasida bo’lish, xalqqa xizmat qilish, xalqni to’g’ri yo’lga boshlash va bu ishlarning barchasini Rizoi ilohiy uchun qilishdir.

Ikkiliklar

Payg’ambar alayhisaalom dedilar:
"œUlamolar majlislarida bo’linglar, hakimlar so’zlariga quloq solinglar. Albatta, Alloh taolo yomg’ir suvi bilan o’lik yerni tiriltirganidek, o’lik qalbni hikmat nuri bilan tiriltiradi".

Abu Bakr Siddiqdan (r.a.) rivoyat qilinadi:
"œKimki qabrga tayyorgarliksiz kirsa, go’yo dengizga kemasiz chiqqandek bo’ladi".

Hazrati Umardan (r.a.) rivoyat qilinadi:
"œDunyoning izzati men bilan, oxirat izzati solih amallar bilan".

Hazrati Umardan (r.a.) rivoyat qilinadi:
"œDunyoga ahamiyat qalbdagi zulmat, oxiratga ahamiyat qalbdagi nurdir".

Yig’i

Tabaroniy rivoyat qiladi:
"œMuoz ibn Jabal raziyallohu anhu vafot etar chog’I yig’lardilar. Undan:
-Nega yig’layapsan?-deb so’rashdi.
-Vallohi, men o’limdan qiynalib yoki orqamda mol-dunyo qolib ketayotgani uchun yig’layotganim yoq,-deidlar. — Janobi Payg’ambarimizdan (s.a.v.): "œInsonlar ikki hovuchdirlar. Bir hovuchi otashda, bir hovuchi esa do’zaxda", deb eshitganman. Man shu hovuchlardan qaysi birida ekanimni bilmaganim uchun yig’lamoqdaman".
"œHayotus-sahoba" kitobidan.