"Yoshlar" teleradiokanali orqali namoyish etilayotgan Janubiy Koreyaning "Dengiz hukmdori" filmi minglab muxlislarni ekranga "mixlab" qo`ymoqda. Film tarixiy voqealar asosiga qurilgan bo`lib, bundan taxminan 1200 yil avval yashab o`tgan admiral Jang Bogoning hayoti haqida hikoya qiladi.
 

 
Jang Bogo 676-935-yillarda Sharqiy Osiyo bozorlarida hukmronlik qilgan Shila sulolasi vakili bo`lgan. U 846-yilgacha yashagan. Tug`ilgan vaqti esa noma`lum. Jang Bogo siyosatchi, savdogar, dengizchi va harbiy arbob bo`lgan. Tarixdan uni Vandodagi Chung Hay shahrining qurilishida ishtiroki ham ma`lum. Shuningdek u Vandoda turib Xitoy va Yaponiya bilan dengiz orqali savdo aloqalarini amalga oshirgan. Uning floti Shila, Tang kabi shaharlarda ham savdo bilan shug`ullanishgan. Uni Xitoy bilan Yaponiyani do`stligiga asos solgan kishi deb atasak ham bo`laveradi.




Film Choi In-honing shu nomli asari asosida suratga olingan. "Dengiz hukmdori" seriali Gung Bok nomli yetim bolaning Buyuk dengiz hukmdori bo`lishgacha bo`lgan mashaqqatli yo`li haqida ma`lumot beradi. Shuningdek filmning qiziqarli ko`rinishini ta`minlash uchun Yami xonim va Yung Hva xonim obrazlari kiritilgan. Aynan shu obrazlar filmdagi muhabbat va nafratni kuchaytirgan va film muvaffaqiyatini ta`minlagan.




Filmga 50 milliard von sarflangan. Mehmonxona, bozor, Shiladagi ofis, portlar film uchun maxsus qurilgan. Katta o`lchamdagi harbiy janglar va qaroqchilar bilan bo`lgan jang sahnalari kompyuter yordamida tayyorlandi.
Filmning muvaffaqiyatida aktyorlar tarkibining katta ahamiyati bor. Hozir sizlarni filmda asosiy rollarni ijro etgan aktyorlar bilan tanishtirib o`tamiz.
 

"Dengiz hukumdori" filmi  ishtirokchilari:

Choi Su Yong
Choi Su Yong filmda bosh roldagi Gung Bok va Jang Bogoni jonlantirdi. Aktyor 1962-yilning 28-dekabrida tug`ilgan. Debyut rolini u 1987-yilda "Muhabbat daraxti" filmida o`ynagan. U Kolorado davlat universitetini tugatgan. Oilali bir o`g`il, bir qizning otasi. Hobbisi: u har yakshanba kuni ertalab sokker o`ynaydi.
Filmografiyasi:
"Young Punch" (1988-yil)
"Il Ji Mae superodam" (1990-yil)
"Bu sir" (1990-yil)
"Siz uchun qaytadan" (1991-yil)
"Yulduzli kechada" (1991-yil)
"Yomg`irni ertaga to`xtashini istaysizmi?" (1991-yil)
"Pastda ayol" (1992-yil)
"Bo`sa olmaydigan erkak" (1994-yil)
"Ilk muhabbat" (1996-yil)
"Dengiz hukmdori" (2005-yil)
"Yosh Dae Jo" (2006-yil)
Yutuqlari:
1996-yil - Yilning eng yaxshi aktyori (KBS Drama Award)
1997-yil - Yilning eng yaxshi aktyori (Korea Broadcasting va Filming Association Award)
1999-yil - Korea Broadcasting Producer Award
1999/2001-yil - Yilning eng yaxshi aktyori (KBS Drama Award)
1999-yil - Yilning eng yaxshi aktyori (Baeksang Art Award)

Filmda u yaratgan obraz bolaligidan ota va onasidan ajrab qolgan yetim boladir. Hayot qiyinchiliklari Gung Bokni mulohazali, lekin qasos o`ti bilan yonayotgan odamga aylantiradi. Uni dengizni bilishi unga ko`plab omad keltiradi. U gladiatordan boshqaruvchiga, keyin esa Chung Hay elchisi darajasiga yetadi.


Mashhur uzdan olindi

Chai Si Ra
Chai yaratgan Yami obrazi huddi buqalamunga o`xshaydi, vaizyatga qarab o`z foydasi tomonga og`ib ketaveradigan. Aktrisa buni juda yaxshi ko`rsatib bera olgani ham uning mahorati yuksakligidan dalolat beradi. Filmni ko`rgan har bir kishi beixtiyor Yami xonimni yomon ko`rib qoladi. Bu esa aktrisaning muvaffaqiyatidir. Aktrisa 1968-yilning 25-iyunida tug`ilgan. Aktrisa debyut rolini o`ynaganda 16 yoshda edi. U rolini mahorat bilan ijro etgan va muxlislar haligacha bu rol haqida gapirib charchashmaydi. Aktrisa turmushga chiqqan va bitta qizalog`i bor.
Filmografiyasi:
"Tongotardagi ko`zlar" (1991-yil)
"Neon fonusdagi quyosh" (1995-yil)
"Ona, yulduz va Aktiniya" (1995-yil)
"Qahramon Hong Kil-Dongning qaytishi" (1995-yil)
"Ayollar nidosi" (2001-yil)
"Endearment qoidalari" (2004-yil)
"Dengiz hukmdori" (2005-yil)

"Choi Jang-Su ko`rinmas odam" (2006-yil)

 

Yami xonim go`zal va aqlli ayol. U ko`zlagan maqsadiga boshqalarning qurbonliklari evaziga erishish strategiyasini ishlab chiqqan. U boylik va qudrat uchun bor kuchi bilan harakat qiladi. Yami xonim Yung Hvaga yordam berishga harakat qiladi. U qaroqchilar hujumidan so`ng ota-onasiz qolgan qizni o`z qaramog`iga oladi. Lekin uning maqsadi qizdan o`z manfaatlari yo`lida foydalanish edi. Yami xonim Jang Bogoni ham o`z flotida ko`rishni istar edi. Jang Bogo uning flotida soqchi bo`lib ishlaydi. Biroq, keyingi voqealar, ya`ni Jang Bogoni Seol Pyungni qo`l ostiga o`tishi unga nisbatan dushmanlikni uyg`otdi. Chunki o`z buyrug`iga asosan amalga oshirilgan jazo uchun albatta qasos olinishini bilar edi. Seol Pyungni ish boshqaruvchisi bo`lgan Jang unga yetarlicha tashvish tug`dira oladigan raqib sifatida shakllanmoqda edi.

Mashhur uzdan olindi

Song Il Guk
Yum Yang obrazi tomoshabinlarda ikki hil taassurot qoldiradi. Avvaliga hamma uni yoqtirardi. Keyin esa... Yum Yang obrazini yaratgan Song Il Guk 1971-yil, 1-oktabrda tavallud topgan. U Koreyaning mashhur aktyorlaridan hisoblanadi. Aktyor "Jumong" serialida bosh rolni ijro etgach bunday mashhurlikka erishgan. U Chenju universitetida teatr va kino yo`nalishida ta`lim olgan.
Filmografiyasi:
"Biz rostdan ham bir-birimizni yoqtiramizmi?" (1999-yil)
"Tansoqchi" (2003-yil)
"Saxroda bahor" (2003-yil)
"Endearment qoidalari" (2004-yil)
"The Art of Seduction" (2004-yil)
"Qizil ko`zlar" (2005-yil)
"Dengiz hukmdori" (2005-yil)
"Uch Xan kitobi" (2006-yil)
"Lobbylist" (2007-yil)
Yutuqlari:
2006 MBC Best (Golden) Actor

2006 MBC Drama Awards: Daesang Award

2006 MBC Drama Awards: Top Excellence Award

2005 MBC Awards: Best Actor, Most Popular Actor, Best Couple (With Su-ae)

2005 KBS Acting Awards: Best Actor

2004 KBS Awards: Best Couple (With Han Ga-in)

2002 KBS Acting Awards: Best New Actor

 

Yum Yang yoshligida qaroqchilarga qo`shilib ketadi. U shu sharoitda katta bo`ladi. U qilich bilan juda yaxshi "muomala" qilar edi. Jang san`atini ham juda mukammal egallagan edi. Keyinchalik qaroqchilarning boshlig`i janob Li tomonidan tashkil etilgan flotda ish boshqaruvchi bo`lib ishlaydi. U Yung Hvani yoqtirib qoladi. Bu esa o`zi jang san`atini o`rgatgan Jang Bogo bilan raqib bo`lishiga sabab bo`ladi. U bir necha marta Jang Bogoni o`ldirishga harakat qiladi. Va bunga erishadi ham.

Su E
Aktrisa Su E yaratgan Yung Hva obrazi ham kinoda alohida ahamiyatga ega. U ikki qahramonning o`zaro raqib bo`lishiga sabab bo`lib, filmning qiziqarliligini ta`minlaydi. Su E 1980-yilning 19-avgustida tug`ilgan. Suzish uning jonu dili.
Filmografiyasi:
"Sevgi maktubi" (2003-yil)
"Karusel" (2003-yil)
"Aprel bo`sasi" (2004-yil)
"Oila" (2004-yil)
"Dengiz hukmdori" (2005-yil)
"Nikoh tashviqoti" (2005-yil)
"Faqatgina yozda" (2006-yil)
"9 ta ichki, 2 ta tashqi" (2007-yil)
Yutuqlari:
2004 New Actress of the Year, the Blue Dragon Film Festival
2004 New Actress of the Year, the Korean Film Award

 

Yung Hva Jang Bogoni yoqtirardi. Uning ota-onasi qaroqchilar hujumida vafot etishadi. Shundan beri u Yumi xonimning qo`l ostida. Yung Hva juda muloyim qiz bo`lib o`z muammolrini bartaraf eta olmaydi.

Film 50 qismdan iborat. Biz sizlarga filmda asosiy rollarni ijro etgan aktyor va aktrisalarni tanishtirdik. Hozir sizlarga biz film nima bilan tugashi haqida aytmoqchi emasmiz. Faqatgina film direktori - Gang Byok-taekning aytgan so`zlarini eslatib o`tmoqchimiz: "Men Jang Bogo timsoli orqali odamlarga mehnat qilish orqali hamma narsaga erishish mumkinligini ko`rsatdim. Yetim bolaning o`z mehnati orqali Sharqiy Osiyo dengizlari va savdo olami hukmdoriga aylanganini siz o`z ko`zingiz bilan ko`rdingiz".

shbu ma'lumotlar Mashhur.uz dan olindi

Тушунмадим, Жахон киносининг снг сснгги снгилиги бу "Денгиз ҳукмдори" сериалими,
ундан ташқари снгилик йсқми ? ? ?

Тушунмадим, Жахон киносининг снг сснгги снгилиги бу "Денгиз ҳукмдори" сериалими,
ундан ташқари снгилик йсқми ? ? ?

Sekin-sekin-de, hozir bizada eng topdegi serial shu bo'lib turibdi.
Qolganlariniyam asta-ekin kiritishar.

Xitoylik kinoaktyor Jet Li "œThe Warlords" filmidagi roli uchun 10 million yuan (13 million dollar) miqdoridagi gonorarni qo`lga kiritdi. Bu summa Xitoy kinosanoati uchun rekord miqdor hisoblanadi.
 

 
Film byudjeti 40 mln. dollarga teng. Uning yarmi aktyorlar uchun gonorar tarzida ajratiladi. Film rejissyori Piter Channing fikricha filmda Jet Lining ishtiroki filmning kassabopligini ta`minlaydi. Ushbu filmning premyerasi 13-dekabr kuni Gonkongda bo`lib o`tadi. Bu kabi rekordni avval ham aynan Jet Li o`rnatgan edi. O`shanda u "œQahramon" filmidagi roli uchun 70 million yuan olgan edi.
 

 

31-yoshli aktrisa Riz Uizerspun 2007-yilning eng ko`p gonorar oladigan aktrisasi sifatida qayd etildi. Uning bitta rol uchun oladigan gonorari miqdori 15-20 millionni tashkil qilgan.
 

 
O`tgan yili Riz 15 million bilan faqatgina Nikol Kidmandan ortda qolgan edi. Avstraliyalik aktrisa Nikol Kidman bu yilni to`rtinchi bo`lib yakunladi. Uning bitta rol uchun oladigan puli 10-15 millionni tashkil etgan.