Najot topgan qavm bo'ldilar shokir,
Bunda yo'q na nifoq, yo'q erur makr.
Iymondan dars bering, ey Abu Bakr
Ko'rgim kelayotir sizni tushimda!
Mahmud Asror

Aytibsanki, onasizlik
Kelmasin hech o'yiga.
Sarf qilingiz, menga emas,
O`g`limning to'yiga.

O, o'g'lingga sen shafqatni
Bilarding-ku, onajon.
Bundan ko'ra bag'rim o'ysang
Bo'lardi-ku, onajon.

Namoz, ro’zam kam bugun,
Bosh egik, ko’z nam bugun,
Rahmating malham bugun,
La ilaha illalloh,
Tavba, astag’firulloh.

Ra’no Rahmonberdi qizi

Hamon kezmoqdaman, do'stlar, kezib oxir bunda yetdim,
Do'stu dushman ichradirman, bilmam, sirim kimga aytdim.
Mardlar bilan o'ltirganda do'stlik sharobini ichdim,
Nomard bilan o'ltirganda mardlar g'iybatin eshitdim.
Jahonga keldim-u, ammo bilolmayman qachon ketgum,
Yig'ilgan do'stlar ichinda yana do'st-yorlar ko'rdim.

Jahonni kezdim, ey do'stlar, ajab hangomalar ko'rdim"¦

Mehmoni ko’p dunyo ekan, mezboni yo’q,
Nasibangdan ortiq senga osh-noni yo’q,
Nafsni bandi qilay desang, zindoni yo’q,
Hidoyatga kelmagan jon arzon-arzon

Nurmuhammad Shoyoqub

Nima deding! Aslo, hech ham
Ko’zimdagi yosh emas.
Yosh bo’lsa ham sening uchun,
To’kmayapman... Bo’ldi... Bas...

Ketgin endi. Sevmayman-ku,
Meni qoldirgin yolg’iz!
Tugayapti sabrim... Tag’in —
Oyog’ingga cho’kmay tiz...

Usmon azim

Zaif ololmasa kuchlidan haqin,
Tangri ulug’lamas bunday el, xalqni.

Ilhomtalab shoirlaru oqinlar,
Takbirdagi toklarga bir boqinglar,
Xushu’ mayidan bir qultum totinglar,
So’ng dilning qalamdam oqishin ko’ring

Ra’no Rahmonberdi qizi

Hayodanmas bo’yoqdan qizil yonoqlar.
E, voh, kunduzi-yu tunda gunohlar,
Bu nedan darakdir, bu nedan darak?!
Bosgan qadamlardan unsa haromlar,
Avval tanib, so’ngra bo’lsa salomlar,
Bo’g’izda o’qilsa nurli kalomlar,
Bu nedan darakdir, bu nedan darak?!
Ishlar deb qilinsa bandasi rozi,
Vijdonni ham yutsa insonning og’zi,
Nafs toshlaridan og’zi tarozi,
Bu nedan darakdir, bu nedan darak?!
Qalblarda qiynasa qora jaholat,
Har taraf mo’minga qilsa malomat,
Bu nening xabari, nedan alomat-
Qiyomat yaqindir, yaqin-qiyomat!

Hasan Abdiev, Parkent.

Zahmatli ish ekan ruboiy yozish,
Go'yoki igna ila bir chuqur qazish.