Arazingiz ko'zlarimga jola qilay,
Ko'ngil gul deb bir bor o'lib bir tirilay,
Sizga yorim, men alamli qo'shiq aytay,
Arazlarda jonim qolib ketsin, mening.

Gohi shodlik, gohi g`am,
Ko`ngil hech to`lolmaydi.
Bu dunyoda hech bir zot,
Onamdek bo`lolmaydi!

Ilk sevgidan iymanib,
So'ng pushaymon yonsa ham,
Sepli qizga suykanib,
Epli qizdan tonsa ham.

Muhammad Yusuf

Mushtoqdurman doimo mehringga man,
Har yurakka tushirgan muhrinnga man,
Lol qolganman ko`rsatgan sehringga man,
Ey muhabbat, yoki sen sehrgarsan.

O`ylamagan yurakni o`ylatasan,
O`ynamagan yurakni o`ynatasan,
Yig`lamagan dillarni yig`latasan,
Ey, muhabbat, yoki sen hukmdorsan.

Nega jim yashaysan, sokin yashaysan?!
Sezmaysan, qo’llarim ketsa ham tegib.
Olamda men yo’qdek, hech payqamaysan,
Yashaysan jimgina boshingni egib.

Mirzo Kenjabek
   

Balki seni o`ldirmas qotil,
Maydon aro, qilichlar aro.
Barnoliging ko`rgan Azroil
Yubormagay bemahal qazo.

Bir narsadan qo`rqaman faqat:
Oshno bo`lib jangda beboklik,
Senda qolmas dilbar nazokat,
Bu mayinlik, go`zallik, poklik.

Aleksandr Pushkin
   

Kechir seni asray olmadim,
Balolardan, zimistonlardan.
Hayotingga farishta bo‘lib
Kirolmadim meni kechirgil!

Kechir seni sevdimu lekin,
Bir tumordek asray olmadim.
«To o‘lguncha sevasanmi» deb,
So‘rolmadim meni kechirgil.

Sengacha yo‘l bir qadam edi,
Seni izlab kezdim dunyoni.
Lekin o‘sha bitta qadamni,
Yurolmadim meni kechirgil.

Qo‘llaringni qo‘llarim topdi,
Ko‘zlaringni ko‘rdi ko‘zlarim.
Ammo qalbing yaralarini
Ko‘rolmadim... meni kechirgil...

Laylim, sado bergin, izlaring qayda?
Oromim berkingan ko'zlaring qayda?
Yuragim olovda, qo'llarim mayda,
Sog'indim, sen-chi yor, etasanmi hech.

Ko'zimdan yosh bo'lib oqmoqda sog'inch,
Bag'rimga tosh bo'lib botmoqda sog'inch,
O'tdan olib suvga otmoqda sog'inch.
Sog'indim, sen-chi yor, etasanmi hech.

Ozodbek Nazarbekov qo'shig'idan

Chorig'imni kiydi dashtning toshlari,
Ko'ylagimni esa tikonlar yuldi.
Man Adam istarman, qarindoshlarim, -
Desam, bosh tebratib ilonlar kuldi.
Man adan istarman, tan gulxandadir,
O'zim har joydaman, ko'ngil sandadir.

Iqbol Mirzo

Roman yozmoqchiman o`zim,
Kattakon!
Kitobining birinchi betidan boshlab,
Hunar o`rganadi
Har bir qahramon,
Men xam o`rganaman g`aflatni tashlab.
Ruhiy azoblarga bo`lsayu taslim,
Qahramon zerikib qolsa biror kech.
Parovoz ostiga
Tashlayman o`zim,
Ammo qahramonim tashlamaymav xech.

Svetlov