Shu kecha yolg’izlik meni qiynaydi,
Sog’inish dardiga bo’ldim mubtalo.
Hukmron jimjitlik bag’rim tirnaydi,
Qalbim huvillaydi misli karbalo.
Ko’nglim torlarining mungli nolasi,
Haydalish kuyini chalar tinmayin.
Yuragim ko’z yoshin sho’x shalolasi,
Bardoshim sinaydi balki atayin?
Balki rutubatning tubsiz qa’riga,
Tashlab sinamoqni istaydimi, u?
Mushkulot dunyosin sirli bag’riga,
Taklif etib meni ulashar qayg’u?
Bilmayman, nima u — bag’rim tig’lagan,
Bevafo sevgining makkor malagi.
Men yolg’iz emasman, mening ortimda,
Umid bor, ishonch bor, so’ngsiz tilagim!
2004...JaruleUZB