Na ko`rgilik tushmish mening boshima,
Qon yig`ladim, dunyo cho`mdi yoshima.
Yor, yuraging Sangijumon toshima,
Nechun yoshim sen qatori bo`lmadi?

faxriyor

Istalgan hur dillarni kuydirmasang,
Hijronlarga aslo yo`l qo`ydirmasang,
Oshiqni ham jonidan to`ydirmasang,
Ey, muhabbat, malhamu shifokorsan.
Ey, muhabbat, Mo`minga madadkorsan.

Netayin,darmonda bo'ldum men bu ko'nglum ilkida,
Sensizin hech yerda bir lahza qaror etmas,begim.

Garchi sen dashnom etarsen,men duochiman senga,
Oshiqi sodiq jafodin elini chetmas,begim.

Atoyi

Men kimman, bir ko‘ngil quliman xolos,
Dardini she’r qilgan shoirman, shoir.
Nahotki siz menga qilasiz havas,
Nigohi og‘ir qiz, nigohi og‘ir?..

Abdulaziz Muborak

Rangim sariq, ko'zlarim yosh,
Bag'rim pora, jigarim tosh,
Holim bilan dardli qardosh,
Kel ko'r mani ishq nayladi.

Yunus Emro

Ishqimdin pokroq obi zilol yo'qdur,
Ishqimdek g'amu dardi halol yo'qdur.
O'zgalar ishqi faqat hol bo'lsa gar,
Manim ishqi nigorimga zavol yo'qdur.

Jaloliddin Rumiy

Rahm ichra paydo bo'ldum, nido keldi,
Zikr ayt, dedi, badanlarim junbush qildi,
Farzandim, deb haq Mustafo ulush berdi,
Ul sababdin oltmish uchda kirdim yerga.

Ahmad Yassaviy

Aziz, xor qilg'uvchi sulton sanuqsan,
Saning lutfing qamug' alvondin ortuq.

Na xush bu dunyoda Iymonu Qur'on,
Ne bo'lg'ay bu dunyoda Iymondan ortuq.

Sulaymon Boqirg'oniy

Qon yoshim erur yux uza yulduz kabi sonsiz,
Ul ko'zlari cho'lpon,mahi tobonima ayting.

Lutfiyi dilafkor tilar hajr eliding dod,
Ahvolini ul begimau xonima ayting.

Mavlono Lutfiy

Garchi osmon qadar afg'on etdilar,
Ular Vatan nomin osmon etdilar.

Uzilmas bu yurtdan iymon torlari,
Toki hikmat so'ylar Olloyorlari.

Ey, boshidin oyog'i ruh va yod, Vatan,
Ulug' siymolari barhayot, Vatan.

Sening dovrig'ingu shoning o'chmagay,
Abadiyat qadar noming o'chmagay!

Sirojiddin Sayyid