Menimcha Burxon "Bahri bayt"qoidasiga amal qilmaganlar ko'rinadi.
Burxon "N" harfiga davom ettirishlari kerak edi.
Men davom ettiraman:

Navosiz yurakning navobaxshi bo'l,
Navoiy yomon bo'lsa, sen yaxshi bo'l.

Alisher Navoiy

La'ling istab emdi jondin kechamen.
Bodasiz betobmen bu kecha men,
Sohili maqsadg'a yetgaymanmu deb,
Ko'z yoshim daryosida suv kechamen.

Yusuf Amiriy

Nahot shuncha mukammal bo'lsa
Farishtamas, oddiy bir odam.
So'zing yoniq  bulbullarniki,
O'zing boshdan-oyoq tillodan.

Matnazar Abdulhakim

Namuncha cho'zilib ketibdi,ayting bu mavzu,
Har yerni qilma orzu,har yerda bor toshu tarozu!
Xalq og'zaki ijodidan!!!
Undov bilan tugadi,qani kim davom ettirarkin?

Assalomu alaykum Iqboljon!
Bu yerga post qilishdan avval mavzuning shartlarini yaxshilab o'qib oling:

Assalomu alaykum aziz she'riyat muxlislari!

Ushbu mavzumiz nomi BAHRI BAYT bo`lib u huddi adabiyot darsidagi bahri baytga o`xshaydi. Ya'ni bir kishi she'r aytadi. She'rning oxirgi harfiga ikkinchi kishi davom ettiradi.

Shartlari:
She'r kamida 2 qator bo`lishi kerak.
Muallifi ko'rsatilishi kerak.
Buzg'unchilikni targ'ib etadigan she'r bo'lmasligi kerak.
She'riyat talablariga javob berishi kerak.

N harfidan men davom ettiraman:

Nega jim yashaysan, sokin yashaysan?!
Sezmaysan, qo’llarim ketsa ham tegib.
Olamda men yo’qdek, hech payqamaysan,
Yashaysan jimgina boshingni egib.

Mirzo Kenjabek

Bo'ynungda qonim, ki bizni, ey ko'z,
Xo'blar bilan oshno qilursan.

Jondin ilikingni,Lutfiy, yuvg'il,
Chun ishq bila marhabo qilursan.

Lutfiy

Nechun kutib vayron bo'ladi ko'ngil,
Seni unutmoqqa men ahd qilaman.
Sen ham meni kutib,men kabi so'ngil,
Senga ham bir azob-xijron tilayman.

Nigohlarim unsiz so‘zlaydi,
Orzularga yetib bo‘lmaydi.
Kechdim hatto dunyo dardidan
Nega sizdan kechib bo‘lmaydi.

Sog‘intirib sevdirganim o‘zingiz,
Sizga bir so‘z aytib bo‘lmaydi.
Sevish mumkin o‘zgani lekin,
Nega sizdan kechib bo‘lmaydi.

Muyassar Lutfullayeva

I:Ishqim yursa, o‘zimdek g‘arib,
Tosh ko‘ksingdan mexr axtarib.
Muruvvat xam tutilsa darig‘,
Seni jondan suyganim nechuk?
Tosh ham erib ketardiku.
Sen erimadig.Xech qachon erima......

Azal abad shu tuproqning qiziman men,
To‘marisning qonda qolgan iziman men.
Garchi bugun osmon chorlar, lek baribir,
Men tuproqqa ko‘ksim berib yuksalaman.

Guljamol Asqarova