Ne yaxshilik bersang,shukri bilan ber,
Ne g'am bersang avval bergin sabrini.
Bir parcha go'sht - qalbni zikri bilan ber,
Jononni istasa, tortsin jabrini.

Robiya Turob qizi

Iqror yo'lida na bir qaroring bordir,
Inkor safidan na chet - kanoring bordir,
Chunki qilasan xayol ishim yengil deb,
Ey aqli qasir, uzui koring bordir...
Fadriddin Attor

Rahmdillik odamga oliy xulq, ammo,
Dilozor yarasiga qo'ymagil malham.
Aylama rahm-shafqat ilon-chayonga,
Bundan ozor topar farzandi odam.

Sa'diy

Mardlar silsilasi bu ishga bormas,
Ular yot manzilga sira ham zormas!
Ota hovlisini ham sotishlik ormas,
Lek Vatanni sotib bo'lmaydi aslo!
Xayrulloh

Ollohga shakkoklik etgan ko'paydi,
Ko'paydi shaytonga dars berguvchilar.
Bolalari o'z otasin tergaydi,
O'zga bug'doyzordan don terguvchilar.

M. Jo'shqin

Ranjimang holingiz so'rayvermasam.
Og'ir kuningizga yarab bermasam.
Jannatga kirmayman sizla kirmasam.
Alloh yo'lidagi birodarlarim.

Moziyga urilib sinar ovozim,
Umr o'tib borar benaf , benavo-
Nahotki bu-qo'lim? Bu mening sozim?
Allohdan so'rajman: - Nechun bu jafo,

Jami judoliklar jonimga yetdi,
Ol, deyman, Allohim, omonatingni.
Tavba qil?- dedi ul, bir Kitob tutdi-
Muroding mustajob, mingil otingni,

Ummonlar yo'lingda, changal yo'lingda,
Noma'lum har joyda qurilgan doring.
Olamning kalidi sening qo'lingda,
Jafo habibingdir, xiyonat - yoring?.

Allohim, lahza- men, sen ersa mangu,
Taskin berganingmi, shafoatingmi bu?!

Rauf Parfi

Umid uchqunlarim so'ldirma Olloh,
Iymonsiz holimda o'ldirma Olloh.
Do'zaxingni men-la to'ldirma Olloh,
Oxirat kun mening holim ne bo'lur.

Robiya Turob qizi

Ruh gulshanining toza gulidir chehrang,
Nozik shu qadarki, shom -sahar, ey sho'xu shang.
Ko'zim yonidan agar xayoling o'tsa,
Kiprik tegib, ahvoli uning bo'lgay tang.

A. Abulxayir.

Gulzor kerak yo'q manga, gul ro'ying bas,
Gulzor yuzungsiz manga monandi qafas,
Ne ayb bu bog' ichra yuzung olida
Gar aylamasam behisht bog'ini havas.
Huvaydo