Uhlash duosi

Yotdim o’ng tomonimga,
Tayandim Allohimga.
Malaklar shohid bo’lsin,
Dinimga iymonimga.


Yotdim yo Alloh
Turgizgin Inshaallah
Shu yotgancha turmasam
La ilaha ilalloh!
 
 

Allohim, qo'lim ochib
Senga duo qilaman.
Ko'zlarimdan yosh sochib
Faqat sendan so'rayman.

Yeru osmonlarni
O'zing yaratding.
Bandam, mendan so'ra,
Beraman, deding.

Robbim senga bo'lsin hamd,
Rasulingga salovat,
Barchamizga insof ber,
Dinu Islomga quvvat.

Avvalo o'zingga bo'lay qul a'lo,
Muhammad alayhissalomga ummat bebaho,
Hayotimda aslo qilmayin hato
Rizoliging topay, ey Haq Taolo.   
 

Hasta duosi

Mening bir ukajonim bor, juda asal,
Muzdek suv ichib qo’yib bo’ldi kasal.
Oyim uni doktorga ko’rsatdilar,
Dori berib bir duo o’rgatdilar.
"œDardlarga davo,
Hastaga shifo-
Sen berarsan, Allohim,
Sen ko’rarsan Allohim
Sen shifosan, Allohim
O’zing yakka panohim"
 
 

Katta bо’lsam


Agar men katta bo’lsam,

Berarman dinga yordam

Bo’lib rostgo’y musulmon.

Sizga o’hshab dadajon,

 

Dinimni o’rganishga,

Va Robbimni tanishga,

Bo’ling menga yordamchi,

«Yahshi otga bir qamchi».

 

Jonim bo’lsin fidoiy

Niyatim juda oliy,

Maqsadlarim kattakon.

Ko’zlarim cho’qqi tomon.

 

Haritam—hadis, oyat,

Yo’l uzoq benihoyat.

Yo’lga ozuqam—taqvo

Ilmdir menga peshvo!
 
 

Ramazon fazilati

Inson ba’zan unutar

Noshukrlik kasrini

Ro’za tutarkan bilar

Ne’matining qadrini

 

Ro’za bizga o’rgatar

Sabrni va shukrni

Insonga marhamatni

Ibodatu zikrni.

 

Ramazonda shaytonlar

Bog’lanadi, bilingiz

Fursagtni boy bermanglar

Yaxshi amal qilingiz.

 

Ro’zada fayz, baraka

Doim hukm suradi

Buni his etmaganlar

Hali afsus qiladi

 

Ramazonda o’rgandik

Ko’pgina yaxshi amal

Unutmaylik ularni

Ramazondan keyin ham

O’rgandim ro’za ila

Och va suvsiz qolmoqni,

Sabr-toqat qilmoqni,

Allohga yetishmoqni,

O’rgandim ro’za ila.

 

Bandaga marhamatni,

Ro’zadagi rahmatni,

Minglab minglab hikmatni,

O’rgandim ro’za ila.

 

Yo’qsillikning ma’nosin,

Solihlarning taqvosin,

Sahovatning bahosin,

O’rgandim ro’za ila.

 

Shukr mohiyatini,

Zikr fazilatini,

Taqvodor hayotini,

O’rgandim ro’za ila.

 *******************************

 

Qabul et ro’zamizni, Allohim.

Yemadik, ichmadik

Tutdik tilimiz

Qabul et ro’zamizni, Allohim

Faqirning, yo’qsilning

Bildik holini

Qabul et ro’zamizni, Allohim

 

Qo’shnimiz och bo’lsa

Beramiz yordam

Qabul et ro’zamizni, Allohim,

Yetimning boshini

Silaymiz har dam

Qabul et ro’zamizni, Allohim.

 

Gunoh qilmaslikka

Bo’lamiz ogoh

Qabul et ro’zamizni, Allohim,

Istab rizoliging

Yashaymiz har chog’

Qabul et ro’zamizni, Allohim.

Qit’a

Istasang toza ko’ngilga qo’nmasin zarra g’ubor,
Pok so’zu pok ish va pok dil, pok xayol bo’lmoq kerak.
Jismu jonimga desang begona bo’lsin xastalik
Ishq zavqu dardi birlan xasta hol bo’lmoq kerak.
Qalbga gar istarsan orom, bo’l yomon so’zdan yiroq,
Karvalol ichmoq kerakmas, kar va lol bo’lmoq kerak.
Erkin Vohidov

Qayu jonlik jahonga kelsa, oxir o’lmayin qolmas,
Tiriklikda xaloyiq bir-biri qadrini bilmas.

Ajab motamsaro dunyo erur, poyoni yo’q bilsam
Ki, san dunyog’a mag’rur o’lmag’il, hargiz vafo qilmas.

Ayog’ing ostig’a boqg’il, hamma yer ichra pinhondur,
Manam shundk bo’lurman, deb sani parvoyinga kelmas,

Lahad ichra yotursan, yozu qish o’tgonini bilmay,
O’g’ul-qiz, yoru do’sting bir kelib sandin xabar olmas.

San o’lgan so’ng hama farzandlaring molingni olg’aylar,
Sani holing nechuk kechgay qaro yerda, bular bilmas.

O’lim yoshu qari, shohu gadolarg’a barobardur,
Biling, jon olg’uchi elni nazarga zarracha ilmas.

Bu besh kunlik umrg’a joyu manzil ham kerakmasdur,
O’limni o’ylagan odam bu dunyoga nazar solmas.

Jahannam otashini, go’r azobin o’ylagan odam
Sirotul-mustaqimdin o’tmaguncha yig’lagay, kulmas.

Haziniy, oxiratga har kishi imon bilan borsa,
O’shal yerda ani san anglagil, o’lgan bila o’lmas.

Haziniy
Musulmonlar taqvim kitobi 1998 yil I chorak

Besh illat bor qalbni aylagay barbod,
O'zni asramasang duch kelgay balo.
Ko'p yeyish, ko'pdeyish, hamda yalqovlik,
Behuda kulmoqqa bo'lmoq mubtalo.
Yana noshukrlik ko'p og'ir illat,
Yuzni qilgay haloyiq aro qora.
Iloho, bulardan asra bandangni,
Ojizlar dardiga aylagin chora.

A'molim mezonga qo'yar chog'ingda,
Gunohlarim kechir, etma oshkora,
Qalbni yoritguvchi besh fazilat bor,
Kim unga muyassar, Alloh bo'lur yur.

Oz yemoq, tafakkur aylamoq ko'proq,
"Ixlos"ni ixlosa-la o'qimoq bisyor.
Olimlar suhbatin mudom istamoq,
Istig'for aytmqolik yana har sahar.

Iloho, bularga esh et qalbimni,
Zikringda saharlar aylagil bedor.
Mosuvo etmagil ma'rifatingdan,
Toki jamolingga bo'lay muyassar.

Abdug'ani hoji Sulaymon.

Ey o’zidan g’ofil, ishlaring ajibdur.
Ey nafs-havo qurboni kasaling g’aribdur.
Ey katta orzu-havaslik, chaqirilasan javob ber,
Va bu juda ham oz, har bir keluvchi (o’lim) yaqindir.
Ko’rindiki eslading lahding-qabringni
Qanday tunaysan unda bir o’zing
Ilonlar chaqadi ikki yuzingni
Qurtlar bo’lib oladi bor jasadingni

Sevguvchi kuladi sening ortingdan
O’limni esidan chiqarib sening ortingdan