JOYNAMOZ BAG’RIDA


Joynamoz bag’rida gullar bir chaman,
Gulzorda kapalak kabi uchaman.
Hajarul asvadni go’yo quchaman
Qushdekman,bamisli ostimda saman.

Namozim ochilgan qizil gul bo’lsa,
Tahorat tohir suv unga quyilgan.
Oyatlar behato ravon o’qilsa,
Savobi ham ko’pdir tog’dek uyilgan.

Sajdamda ko’rinar ikki dunyo ham,
Foniyni,boqiyni qilibdi obod.
Zoyemas qilingan ixlos,rajo ham,
Koinot Zargarin etsam har kun yod.

Namozda shaytonga quloq solmayman,
Tirikman sajdadan also tolmayman.
Hidoyat yo’liga soldi poyondoz,
Bu mening manglayim o’pgan joynamoz!
                                      Sulton Ergash   ( "œHidoyat" jurnalidan)

******
Ilohi,dilimdan dog’larni ketkaz,
Chamanimga qo’ngan zog’larni ketkaz.
Nasib et musaffo,rost lahzalarni,
Chinman degan yolg’on chog’larni ketkaz.
Yaxshiliklar ilindim,bilmadi do’st,
Yer bo’ldim,osmonlik qilmadi do’st.
Ozor berdi,ozorni tilmadi do’st,
Zo’rman degan yolg’on tog’larni ketkaz.
Termulib boqqan shu qorog’larim rost,
Ko’ksimda qonagan yarolarim rost,
Rost so’zni istadim, so’rog’larim rost
Huzurimdan yolg’on bog’larni ketkaz.
Ruhimni ogoh et biyobonlardan,
Hazonga yuz tutgan oshiyonlardan,
Ilohi,joy bergil pok osmonlardan,
Ilohim,yolg’on nigohlarni ketkaz!
                                    Sayyora Samandarova ( "œHidoyat" jurnalidan)

                Alloh zikrida
Alloh bor desagu zikrin qilmasak,
Ne’matni yesagu shukrin qilmasak.
Oxirat safarin firkin qilmasak,
Bu foniy dunyoda adashmoq tayin.

Har bir ishda border mezon-miyonat,
Jism uyida bu jon ojiz-omonat,
Insonga chegara insof-diyonat,
Diyonatga also qilma hiyonat.

Umr g’animatdir,unutma,do’stim,
Kimga qisqa,kimga uzog’i bordir.
Kim qanday sarflaydi berdi ixtiyor,
Allohning jannati do’zaxi bordir.

Oshkora-yashirin barcha ishlarning,
Tangri dargohida hisobi border.
Kim Alloh zikrini unutsa agar,
Shaytoni la’inning tuzog’i bordir.

Ey rafiq,bir lahza o’yla,
Bu dunyo imtixon dunyosidir bil.
Huda-behudaga aylanmasin til,
Allohning zikrida bo’lsin mutassil.
                                Akbar Eshmuhammad ( "œHidoyat" jurnalidan)