Qo’y, nasihatingni,aytma bizlarga,
Bizlarga Haq yo’lni bilgan gapirsin!
Qur’onu-hadisni bilgan, o’qigan,
O’zi shunga amal qilgan, gapirsin!
Til bilan har narsa oson gapirmoq,
Har хil safsatadan bizga lof urmoq,
Sizlargamas bizni bahoni bermoq,
Buni kaltaklar yeb ko’rgan gapirsin!
Yo’limiz bor, bizlar yo’lsizlar emas,
Amal kerak, quruq gap so’zlar emas,
Imonu-Islomdan,bas sizlar emas,
Hayotinda yashab o’tgan, gapirsin!
Nodon mansabparast boshni qotirma!
Bizga kelajakdan quruq lof urma!
Amal qilolmasang,demak, gapirma!
Har shohaga qo’nmay turgan gapirsin.
Chekayapsiz go’yo, хalqning g’amini?
Haq bilur, odamni, dil alamini,
O’rnini bilmaslar, olsin damini!
Bunga farosati yetgan, gapirsin!
Sizlargamas, bizga dinni o’rgatish,
Kimni-kimligini baholash, aytish?!
Sizga qarab qolgan narsamas, bu ish,
O’qiganmas faqat, uqqan gapirsin!!
Sizlardan maslahat so’ramadik biz,
Haq bilan botilni "œo’ramadik" biz,
Bu yo’llaringizga unamadik biz,
Bizga Haqni yo’lin tutgan gapirsin!!!
Bas,safsatangizni bizlarga aytmang!
O’z yo’lingizdan ham hech ortga qaytmang!
Bizga qanday yashashni ham o’rgatmang!
Buni hidoyatda yurgan, gapirsin!!!
P.S. O'zi amal qilmaganni gapi bu quloqdan kirib, u quloqdan chiqib ketadi.
Islom, din masalasida FATVO beruvchilar va bu masalda post qoldiruvchilarga mana shu she'r!
O'qib, uqib amal qilishingizni Allohdan so'riman faqat!
