QIYOMAT
Qiyomat yaqinlab qolgani ayon,
Ayollar erlarning libosin kiymish,
Avrat-u, hayoning ko’chasin toptab
Hatto mayin bo’lib so’zlamay qo’ymish.
Rasululloh bir kun qo’rqib so’zlagan
Kunlar boshimizda turibdi qarang.
Atrofning yalong’och turgan holiga
Ko’taramiz hatto boshimiz arang.
Tuyaning o’rkachin tasvirlab go’yo
Jannatning hididan voz kechgan ayol
Nahot umri bo’yi vaqt topib bir tun
O’ziga bir bora bermagan savol:
Hoy, men kim o’zi, jinsim ne erur,
Yarasharmi menga shu yovuz hilqat?
Ayollik libosin bir chetga otib
Asl go’zallikdan ayrildim faqat,
Bolamning nigohi menga yovqarash,
Erimning ko’nglida yo’qolgan hohish.
Men qancha urinmay, aslimdan shuncha
Uzoqlashib ketdim, tingandek tovush...
Ovozim erkakcha, yurishim g’alat,
Shimning o’rtasida yig’laydi hayo.
Ajabo, shunchalar horlik bo’lurmi,
Tubanlik bo’lurmi, do’stlar, ajabo.
Ayolning ko’nglida insofi bo’lsa,
Ushbu savollarni berardi bir tun
O’ech qursa o’qidan qochib boryotgan
O’g’illari uchun, qizlari uchun...
Afsus, ushbu holga faqat ayolmas,
Balki erlarning ham ayblari mavjud.
Rashk o’tin o’chirgach zino-yu fahsh-la,
Dayuslik kasbiga ko’rar taraddud.
Nardadan boshini ko’tara olmay,
Ayollarga turmush yuklagan qopin
Odamdan yaxshilik ko’rmoqchilarga
Ayturmiz olimlar qilgan hitobin
Ular o’zlarini erkak desalar,
Dunyoda eng katta bo’lurlar kazzob,
Chunki nikoh kuni bergan ahdiga
Qilmishlar hiyonat, berolmay javob.
Ularda mag’rurlik asli yo’q hislat,
Ularni iymon ham aylamish halos.
Ularning egnidan joy olgan ko’ylak
Faqatgina tashqi ko’rinish, holos.
Hayhot, bu dunyoning ishi ters bo’ldi,
Yaxshilar ko’ngildan yig’lab o’tmishlar
Ayolin ko’chaga qo’yganlar bugun
Ertaga bolaga ko’krak tutmishlar,
Hali bu ketishda vazifalar ham
O’zgararmi ayol, er nasli uchun,
Go’yoki quyoshning tunda chiqishi,
Oyning otishi-la ochiladi kun...
Yo’q, do’stlar, iymon bor, ishonch bor ekan,
Bunga yo’l qo’yilmas hech qachon, hech vaqt.
Har kim o’z fitrati, o’z tabiati
Amriga binoan yashamoqlik - baht.
Hadisdan oddiy bir hulosam shulki,
Ko’r qilar bu ko’zni qamashtirganlar
Aslida qiyomat kunin tezlatar
Ana o’shanday jins almashtirganlar.
