Qiz sevgan yigitiga dedi:
— Ertaga biznikiga keling! Uyda hech kim bo‘lmaydi.
Yigit keldi. Haqiqatan uyda hech kim yo‘q ekan

— Sen kimligingni aytsang, men chin do‘sting kimligini aytib beraman!
— Men millionerman!
— Ishon, sening chin do‘sting menman!

Xotin eridan so‘radi:
— Agar sizni tashlab begona erkak bilan ketib qolsam achinarmidingiz?
— Nima, begona erkakka achinib o‘libmanmi?

— Azizim, bir paytlar siz bilan ko‘cha yuzidagi chinor ostida ilk bor tanishib bir-birimizga ko‘ngil qo‘ygandik, esingizdami?
— Ha, esimda.
— O‘sha chinorni chaqmoq urib yonib ketibdi.
— Bunga uyam kam

Er ishdan qaytsa, xotini yig‘lab o‘tiribdi.
— Nima bo‘ldi? Nega yig‘layapsan?
— Sizga atab tort pishirsam, itimiz qurmag‘ur yeb qo‘yibdi.
— Qo‘yaver, o‘zim senga boshqa it olib beraman

— Xo‘sh, qizim, kuyovimizga ilk tayyorlagan ovqating yoqdimi?
— Ha, ertaga kasalxonadan chiqadi

— Qo‘shni, kecha uyingizda qanaqa bayram bo‘ldi?
— Xotinim o‘ttiz yoshga to‘lganligining o‘n yilligini nishonladi.

— Azizim, turmush qurganimizga atigi bir hafta bo‘libdi-yu, siz meni urisha boshladingiz!
— To‘g‘ri-da, men bu kunni ikki yil kutganman, axir!

— Nega militsionerlarni ichki ishlar xodimlari deb atashadi?
— Chunki, ular faqat buyrakka, jigarga zarba yo‘llashadi

Yigit do‘stiga dedi:
— Biz ajrashganimizdan so‘ng xotinim bilan birga uyni teng yarmidan bo‘lib oldik. Unga uyning ichki qismi, menga tashqi qismi tegdi.