Abituriyentlar uchun yordam: O'zbekiston tarixidan saboqlar  ( 701744 marta o'qilgan) Chop etish

1 ... 131 132 133 134 135 136 137 138 139 140 B


muxbir  28 May 2008, 17:08:12

1421 YIL — Tibetdan Buxoro va Samarqandga elchilar keladi.

1422-YIL — Xitoyga yuborilgan Shohrux va Ulug‘bek elchilari o‘z vatanlariga qaytib keladilar.

Qayd etilgan


muxbir  28 May 2008, 17:08:23

1424-1428-YILLAR — Samarqand yaqinidagi Obirahmat anhori bo‘yida Ulug‘bek rasadxonasining bunyod etilishi. Uch qavatli doira shaklida bino qilingan bu ulkan imoratning aylanasi 47 metr, balandligi 31 metr bo‘lgan.

1425-YIL BAHOR — Mirzo Ulug‘bek mo‘g‘ulistonga ustiga yurish boshlaydi. Issiqko‘l yaqinida sodir bo‘lgan to‘qnashuvda Ulug‘bek mo‘g‘ullar ustidan g‘alaba qozonadi va katta o‘lja bilan Samarqandga qaytadi. Mo‘g‘uliston urushi Ulug‘bek olib borgan jiddiy urushlarning birinchisi va so‘nggisi edi.

Qayd etilgan


muxbir  28 May 2008, 17:08:32

1428-YIL — mo‘g‘uliston yurishi nishonasi tarzida Jizzax yaqinida Ilono‘tti darasi ichida Mirzo Ulug‘bek tomonidan qoyatoshga o‘ziga xos "œZafarnoma’ni yozdirishi.

1428-YIL — Ulug‘bek muomaladagi "œfulusiy" pullar islohotini amalga oshiradi. Eski chaqalarni yangisiga almashtirib, ichki savdoning mayda mis pullarga bo‘lgan talabini qondirish uchun bir vaqtning o‘zida u Buxoro, Samarqand, Qarshi, Termiz, Toshkent, Shohruxiya va Andijon shaharlarida zarbxonalar tashkil etib, bir xil vazndagi salmoqdor fuluslar zarb ettirdi va muomalaga chiqardi.

Qayd etilgan


muxbir  28 May 2008, 17:08:40

1428-1468-YILLAR — Dashti Qipchoqda Abulxayrxon hukmronligi davri.

1429-YIL — Hirotdagi Boysung‘ur kutubxonasida Abulqosim Firdavsiyning mashhur "œShohnoma" asari ko‘chirtirilib, u 20 ta turli mazmun va manzarali rangdor miniaturalar bilan bezatilgan.

Qayd etilgan


muxbir  28 May 2008, 17:08:49

1429-YIL — Samarqand akademiyasi "œDorul ilm"ga asos solinishi.

1430-YIL — Ulug‘bek Dashti Qipchoq hukmdori Baroq O‘g‘longa qarshi Sig‘noq yaqinida bo‘lib o‘tgan jangda mag‘lubiyatga uchraydi.

Qayd etilgan


muxbir  28 May 2008, 17:09:00

1431-1435-YILLAR — Abulxayrxon boshchiligida ko‘chmanchilar Xorazmgacha bostirib kirib uning g‘arbiy qismini Urganch bilan qo‘shib zabt etadilar.

1432-1520-YILLAR — xattot Sultonali Mashhadiy yashagan davr.

Qayd etilgan


muxbir  28 May 2008, 17:09:11

1433-YIL — G‘ijduvonda Ulug‘bekning farmoni bilan madrasa qurildi.

1437-YIL — Ulug‘bekning "œZiji jadidi Ko‘ragoniy" (Ko‘ragoniyning yangi astranomik jadvali) nomli asari yozib tugalangan bo‘lsa ham, unga muallif umrining oxiriga qadar bajarilgan ilmiy-tadqiqot natijalari asosida kuzatishlar va qo‘shimchalar kiritib bordi. Ushbu asar asosan ikki qismdan: keng muqaddima va 1018 ta yulduzlarning o‘rni va holati aniqlab berigan jadvallardan iborat.

Qayd etilgan


muxbir  28 May 2008, 17:09:21

1441-1442-YILLAR — Shohrux Hindistondagi Vijayanagar saroyiga tarixchi Abdurazzoq Samarqandiy boshchiligida elchilar yuboradi. U Kermon, Xurmuzd (Ormuz) va Fors qo‘ltig‘i orqali Hindistonga qilgan sayohatini yozib qoldiradi.

1441-1501-YILLAR — Alisher Navoiy yashab ijod etgan.

Qayd etilgan


muxbir  28 May 2008, 17:09:30

1441-YIL 9-FEVRAL — Hirot shahrida Alisher Navoiyning dunyoga kelishi.

1447-YIL 12-MART — Shohrux mirzo Sulton Muhammad isyonini bostirish paytida Ray viloyatida olamdan o‘tdi.

Qayd etilgan


muxbir  28 May 2008, 17:09:38

1447-YIL BAHOR — Boysunqurning o‘g‘li Olouddavla Ulug‘bekning katta o‘g‘li Abdulatifning qo‘shinini tor-mor keltirib, uni asirga olgan va Hirotdagi Ixtiyoriddin qal’asiga qamab qo‘ygan. Ulug‘bek Olouddavla bilan bitim tuzadi va unga ko‘ra, Abdulatif ozod qilinib, Ulug‘bek esa Hirot va Xurosonga bo‘lgan da’vosidan vos kechadi.

1448-YIL BAHOR — Ulug‘bek va Abdulatifning qo‘shini Hirotga yurish qiladi. Tarnoq yaqinida bo‘lgan jangda Olouddavla qo‘shini tor-mor keltirilib, Hirot qo‘lga kiritiladi.

Qayd etilgan