1449-YIL 27-OKTABR — Mirzo Ulug‘bek 55 yoshida fojiali suratda shahid bo‘ldi.

1449-YIL OKTYABR — Abdulatif Damashq qishlog‘i yaqinida Ulug‘bekni yengadi.

1450-1457-YILLAR — Abulqosim Bobur Xuroson hukmdori.

1450-YIL 9-MAY — otasi Ulug‘bek vafotidan so‘ng olti yarim oy o‘tgach Abdulatifga qarshi saroyda fitna uyushtirildi va o‘ldirildi.

1451-YIL — Abulxayrxon katta qo‘shin bilan Abu Said ishtirokida Toshkent, Chinoz va Jizzax orqali Samarqandga yurish qiladi. Shiroz qishog‘i yaqinida Bulung‘ur anhori yoqasida bo‘lgan jangda ittifoqchilar g‘alaba qozonadi va Mirzo Abdullo halok bo‘ladi. Abulxayrxonning yordamida Abu Sayid Samarqandni egallab, Movarounnahrga hokim bo‘lib oladi.

1454-YIL — Hirot hokimi Abulqosim Bobur Movarounnahr ustiga bostirib kirib, Samarqandni qamalga olganida Xoja Ubaydullox Ahror mojarolarga qat’iyan aralashib, raqiblarni yarashishga majbur etadi.

1456-YIL — Samarqandda ikki qavatli "œXoja Ahror madrasasi bunyod etildi.

1457-YIL — Abu Sayid Hirot taxtini egallaydi va Temuriylar davlatining har ikki qismini birlashtirishga muvaffaq bo‘ladi.

1457-YIL — Xuroson hokimi Abulqosim Bobur vafot etdi va Xurosonda siyosiy vaziyat yana mushkullashdi.

1463-YIL — Uch hukmdor: Samarqand podshosi Sulton Ahmad bir tarafdan, Andijonda Farg‘ona hokimi Umarshayx Mirzo bilan Toshkent hokimi Sulton Mahmudxon, ikkinchi tarafdan Xavas yaqinida katta qo‘shin bilan to‘qnashib turganda, Xoja Ubaydullox Ahror mojarolarga qat’iyan aralashib, raqiblarni yarashishga majbur etadi.

1464-YIL — Samarqandda "œIshratxona" qurilgan.

1469-1493-YILLAR — Sulton Ahmad hukmronligi.

1469-1506-YILLAR — sulton Husayn Boyqaro hukmronligi davrida Marviruddan yangi kanal chiqarilib, kattagina yer maydoni sug‘orilib obod etiladi. Alisher Navoiyning tashabbusi bilan Hirot va Mashhad atroflarida sug‘orish ishlari amalga oshirildi. Navoiy Tus viloyatining yuqori qismida Turuqband suv ombori qurdiradi.

1469-YIL — Sulton Husayn Hirotni egallagach Alisher Navoiyni o‘z huzuriga taklif etadi. U Alisherni dastlab muhrdorlik lavozimiga, keyinroq esa vazir qilib tayinlaydi.

1469-YIL 24-MART — Husayn Boyqaro Xuroson hokimi bo‘ldi va natijada Temuriylar davlati yana ikki mustaqil qismga: Sulton Husayn hukmronligidagi Xuroson va Abu Sayid o‘gillari hukmronligidagi Movarounnahrga bo‘linib ketadi.

1469-YIL BAHOR — Abu Sayid Ozarbayjon, G‘arbiy Eron va Iroqqacha bo‘lgan viloyatlarni egallab turgan turkmanlarga qarshi yurish qildi va Ozarbayjondagi Mo‘g‘on ko‘lidagi jangda halok bo‘ldi.

1494-1495-YILLAR — Sulton Mahmud Mirzo hukmronligi.

1498-1501-YILLAR — Sulton Ali hukmronligi.

1694-1778-YILLAR — mashhur fransuz faylasufi, yozuvchi va tarixchi olim Volterning yashab ijod etgan.

1908-YIL — arxeolog V.L.Vyatkin Ulug‘bek rasadxonasining xarobalarini topishga va uning faxriy sekstanti yer osti qismini kovlab ochishga muyassar bo‘ldi.