IX-XII ASRLAR — musiqa san’ati ahillarining ijodiy faoliyati bilan duvozda (o‘n ikki) maqom vujudga keldi.

XIV ASR IKKINCHI YARMI — XV ASR — O‘rta Osiyo xalqlari adabiyotida taraqqiyotida yangi va juda sermahsul davr bo‘ldi. O‘rta Osiyo xalqlari xususan o‘zbek hamda tojik adabiyoti o‘rtasida aloqa va hamkorlik mustahkamlandi. O‘zbek tarjima adabiyoti vujudga keldi.

XIV-XV ASRLAR — O‘rta Osiyo xalqlarining musiqa san’ati taraqiyotida yangi va mahsuloldor bir bosqich bo‘ldi. Abduqodir Nayiy, Qulmuhammad Shayxiy, Husayn Udi, Shohquli G‘ijjakiy, Qosim Rabbobiy kabi mahoratli sozandalar, bastakorlar va hofizlar yetishib chiqdi. Ulug‘bek "œbulujiy", "œshodiyona’, "œaxloqiy", "œtabriziy", "œusuli ravon" va "œusuli otlig‘"; Navoiy "œisfaxoniy" kuylarini ijod qiladi. Jomiy va Binoiylar musiqa nazariyasiga doir asar yaratadilar.

XIV-XV ASRLAR — sirli sopol buyumlar yasash yuksak darajada rivojlandi.

XV ASR — Movarounnahr va Xurosonda yer va mulkchilikning asosan 4 shakl — "œmulki devoniy" — davlat yerlari, "œmulk" — xususiy yerlar, "œmulki vaqf" — madrasa va ibodatxonalar tasarufidagi yerlar hamda "œjamoa yerlari" bo`lgan.

XV ASR — temir buyum, qurol-yarog‘ va asboblar yasash yuqori darajaga ko‘tarildi. Samarqand davlatning poytaxti avvalgidek, qurol-yarog‘ yasaladigan markaz bo‘lib qoladi. Shaharda hatto maxsus sovutsozlar mahallasi qaror topadi.

XV ASR — aniq fanlarning, xususan astranomiya ravnaqi va Samarqand astranomlari qozongan olamshimul muvaffaqiyatlarida, ayniqsa Ulug‘bekning hissasi beqiyosdir.

XV ASR — charmdan yengsiz kamzul, poyafzal, ot va arava anjomlari tikilgan. Harbiy yurish o‘zaro kurashlar sharoitida charmdan yasalgan sadoq (o‘qdon)lar, kamonning charm g‘iloflari, pichoq va qilichlarning charmdan qoplangan qinlariga talab katta bo‘lgan.

XV ASR — Go‘ri Amir va Shohizindaning oyatlar bilan bitilgan naqshinkor eshiklari xalq ustalarining yog‘och o‘ymakorligi san’atidagi eng nodir namunalardan hisoblanadi.

XV ASR — Hirot Dorulshifosi (davolash uyi), ayniqsa kahhollari — ko‘z kasalligi tabiblari nihoyatda shuhrat topgan. Hirotning tabib va hakimlari tabobat sohasida ko‘plab kitob va risolalar yaratgan.

XV ASR — Hirotda me’morchilik bilan bir qatorda kitobat san’ati, ya’ni qo‘lyozma asarlarini ko‘chirib yozish va u bilan bog‘liq bo‘lgan xattotlik, musavirlik, lavvohlik (lavha chizish)va sahhohlik (muqavasozlik) san’ati ham nihoyatda yaxshi taraqqiy etadi.

XV ASR — Mirzo Ulug‘bekning "œZiji jadidi Ko‘ragoniy" hamda "œTarixi arba" ulus" (To‘rt ulus tarixi) nomli asarlari yaratildi.

XV ASR — mo‘g‘ullar bosqini oqibatida butunlay vayron etilgan Movarounnahrning suv xo‘jaligi to‘la tiklandi, uning dehqonchilik yer maydoni birmuncha kengaydi.

XV ASR — Movarounnahr va Xurosonda obodonchilik ishlari amalga oshirilgan.

XV ASR — Movarounnahr va Xurosonda yer egalari "œdehqon", ekin maydonlariga ishlov beruvchilarni "œmuzoriy" deb yuritilgan.

XV ASR — Movarounnahr va Xurosonning deyarli hamma yirik shaharlarida o‘rta asr hunarmandchiligining barcha tarmoq va sohalar bo‘yicha iqtisoslashgan korxonalar, do‘konlar, ustaxonalar va rastalar bo‘lgan.

XV ASR — Movarounnahr va Xurosonning me’morchiligida o‘zining mukammalligi va bajargan vazifasi jihatdan jamoat binolari orasida ayniqsa shifoxonalar, hammomlar, istirohat bog‘lari alohida o‘rin tutgan.

XV ASR — Movarounnahrning poytaxti Samarqandda ilmiy-tadqiqotlar olib borgan mashhur olimlarning ijodiy faoliyati, astranomiya va matematika fanlari sohasida qilgan kashfiyotlari, yaratilgan nodir asarlarining barchasi Ulug‘bekning o‘ziga xos akademiya tuza olganligi tufaylidir.

XV ASR — o‘rta asr hunarmanchiligida kulolchilik eng rivoj topgan sertarmoq sohaga aylanadi. U kasogarlar, xum va xumsozlar hamda tandirsozlar kabi bir necha tarmoqlarga bo‘linadi.

XV ASR — qurilish ishlari kengayib, saroylar, jamoat binolari mudofaa va sug‘orish inshoatlari hamda yo‘l qurilishi va tuzatishlari mehnatkash aholi kuchidan keng foydalanilgan. Bunday hasher ishlari "œbegor" deb yuritilgan.