"œBir umr esi past bolaga qarashning o’zi bo’ladimi, voz kech", - shart qo’ydi opasi. "œInternatni gaplashib keldim, topshirib kelamiz" — qaror chiqardi eri.
Sohiba bilan maslahatlashishni hech kim xayoliga ham keltirmasdi.
- Axir to’qqiz oy ne azoblarda ko’targan, dunyoga keltirguncha qancha azob tortgan menman-ku, - isyon qildi Sohiba, qisiq ko’zlarini miltillatib, shiringina tamshanib yotgan o’g’liga qarab. U onasini qidirgandek og’izchasini u yoqdan u yoqqa burar, oyoq-qo’llarini betartib pitirlatardi. "œYo’q!" — o’ziga o’zi qaror chiqardi Sohiba, - odamlar nima desa desin, u jigargo’shasini hech kimga bermaydi. Kerak bo’lsa, bir umr qo’llaridan yetaklab yuradi, o’z qo’llari bilan ovqatini yediradi, ammo hech kimga bermaydi!
Qarorini eriga aytganda Shohruh tahdidli tikildi. Keyin anchadan buyon o’ylab yurgan gapi tiliga chiqdi:
- Men oshna-og’aynilarimdan or qilaman"¦ Yo uni deysan, yoki meni!
Sohiba bunday gapni kutmagandi. Eriga qarab qotib qoldi. Keyin indamay o’g’lini bag’riga bosgancha, ichkari xonaga kirib ketdi. Bu uning qarori o’zgarmaganidan dalolat edi.
Eri urush-janjalsiz chiqib ketdi. Eng alam qilgani shu uch oy ichida eri biror marta bolasini qo’liga olmadi, hatto qayrilib ham qaramadi. Uning dunyoga kelishini qanchalik orziqib kutgandi axir.
Nogiron bolasini bag’riga bosgancha Sohiba yolg’iz qoldi. Qiynalsa ham dardini birovga aytmadi, ko’zyosh to’kmadi. Faqat"¦ erining uylanayotganini eshitganda tuni bilan yig’lab chiqdi.
Oradan yillar o’tdi, kechroq bo’lsada G’olib maymoqlanib atak-chechak qilib yurishni o’rgandi. Sohiba mutaxasislar bilan maslahatlashdi, internat o’qituvchilaridan maslahatlar olib, bolasiga o’qish-yozishni o’rgatdi. Odamlarning gaplariga e’tibor bermay, hayotini barcha yuz o’girgan bolasiga bag’ishladi. Qiyinchilik kunlarida suyanchiq bo’lgan onasidan Sohiba bir umr minnatdor. G’olib onasi va buvisiga juda mehribon bo’lib ulg’aydi. Sohiba o’g’lini Avstralya o’rmonlarida yashaydigan beg’ubor, beozor koala ayiqchasiga o’xshatardi"¦ Lekin dilozor odamlarning gap-so’zlaridan himoyalanish har doim ham qo’lidan kelavermasdi.
Bie gal G’olib ko’chada koptok tepayotgan bolalarga havas bilan qarab turardi. Koptok to’g’ri u tomonga uchdi. Quvonib ketgan G’olib lapanglab borib koptokni oldi va bolalarga o’xshab tepmoqchi bo’ldi. Lekin oyog’i koptokka yetmay yiqilib tushdi. Yordam kutgandek atrofga alanglab o’rnidan turmoqchi bo’lgan bola qattiq turtkidan yana yiqilib tushdi.
- Ey, tentak, ikkinchi koptogimga qo’lingni tekkizganingni ko’rmay!...
G’olib gunohi nimaligini tushunmay, dovdiradi. Uni o’rab olgan bolalar esa kalaka qilib ustidan kula boshlashdi. Derazadan qarab turgan Sohiba yugurib chiqdi va bolasini ko’tarib uyga olib kirdi.
G’olibning ko’zlaridagi savollarga javob bera olmaganidan ko’zini olib qochdi. Bolalarning beshavqatligidan ko’ngli og’rigan G’olib shundan keyin ularga qo’shilmay qo’ydi. U uy ishlariga onasiga yordamlashar, qo’lidan kelsa-kelmasa hamma ishga urinardi.
Bu orada Shohruh ikki bolalali bo’ldi. Lekin biror marta bosh farzandini ko’rgani kelmadi. Sohiba ich-ichidan ezilsa-da, sirtiga chiqarmasdi.
Bir kuni mahallada noxush xabar tarqaldi: Shohruh avtohalokatga uchrabdi! Umurtqa pog’onasi shikastlangan Shohruh to’shakka mixlanib qoldi.
Yarim yil davomida tishini-tishiga qo’yib uni parvarishlagan rafiqasi qaynona-qaynotasiga shart qo’yadi: o’g’lingizni olib keting-da o’zingiz qarang. Men ikki bolamni boqaymi, erimga qaraymi?!