Assalomu alaykum!
Barchangizga samimiy tilaklaringiz uchun tashakkur.
Alloh rozi bo'lsin! Sizga bundan-da ziyodasini tilayman.
Robiya, tashakkur. Doimo shunaqa tirishqoqlik, o'zingizga ravo ko'rganingizni bizlarga ham ravo ko'rishlik, ilmga chanqoqlik sizni tark etmasin! Siz joylab borayotgan darslarni juda ko'pchilik o'qishar ekan. Ularning ham tashakkurnomalarini qabul qiling.
Shoir, do'stim tashakkur. Siz haqizda umuman gapirmasa ham bo'ladi. Forumning eng jonkuyarlaridan. Talabalarga dars berish har doim sizga zavq bag'ishlasin!
Y_U_R_I_S_T, juda kam muddatda ko'pchilikka qadrdon bo'lib qolgan ajoyib user. Xudnudbek inim, sizdagi ilmga intilish, intellektual salohiyatga xavas qilsa arziydi. Har doim shunday bo'lib qoling. Ilm olishdan, uni tarqatishdan aslo charchamang.
Usmon, samimiyatiga qoil qolaman. O'zining texnik bilimlarini boshqalarga ham beminnat ulashayotgan bu userimizga ham tashakkur izhor qilaman. U;larning ham darslaridan juda ko'pchilik bahramand bo'layapti ekan. Davom etavering. Yangi-yangi ilm cho'qqilarini birgalikda egallaymiz.
Akbar, judayam yaxshi bola. Samimiy, yuvosh. Moliyachilarga umuman o'xshamaydi!
Hammaga yaxshilik qilgisi keladi. Qayerdan, qanday qilib, birovni ko'nglini olsam deb yuradi. Iloyim, doimo shu his sizni tark etmasin!
Abdusalom, ham quvnoq, ham aqlli bola. Eski shahar bezorilaridan.
Ular ham ancha payt ko'rinish bermay yurdilar. O'zi shunaqa, bu bola ba'zida yo'qolib qoladi. Lekin "ZiyoUz Viktorinasi"dagi so'nggi savollaringiz juda qiyi ekan.
Kumushbibi, forumning eng eski va qadrdon userlaridan. Aqlli, bilimli va samimiy inson. Ancha payt kamnao bo'lib qolgan edilar. Inshaalloh, bundan buyog'iga faol bo'ladilar deb umid qilamiz.
Farida, forumda judayam operativ faoliyati bilan ko'pchilikning olqishiga sabab bo'lgan. U ham nima topsa forumga ilinadi. Doimo ko'pchilikni xursand qilib yuradi. Shu fazilat sizni hech qachon tark etmasin!
Ikbaljohn (ishqilib to'g'ri yozdimi?), hamshahar, hammaktab. Ajoyib inson, forumdagi eng quvnoq inson desa ham bo'ladi. Lekin hayotda unaqamas. Juda jiddiy qaraydi hamma narsaga. Avvallari juda zo'r she'rlar yozardilar. Bilmadim, balki hozir ham yozib turgandilar...
Mohinur, bu userimiz ham forumning eng eski qadrdonlaridan. Qariyb 4 yildirki, o'z avatar va imzolarini o'zgartirmaganlar
Barchangizga yana bir bor tashakkur!
Sizlar bor ekansizlar, inshaalloh bu forumimiz yana-da gullab-yashnaydi.
Inshaalloh sizlar bilan Ziyo olamini yangi nurlar, yangi ilmlar bilan to'ldiramiz!