Assalomu aleykum va rahmatullohu barakotuhu !!!
O’ziga itoat qilgan va taqvodorlarni aziz, amriga muxolif bo‘lgan va osiylik qilganlarni xor qiluvchi, tavba va taqvo qilganlarning gunohlarini kechiruvchi, amridan yuz o‘girib, ta’qiqlaganlarini qilganlarni jazolovchi Allohga hamdu sanolar bo‘lsin.
Bandalariga quloq, ko‘z va qalblarni shukr qilarmikanlar deya ato etgan, bandalari ustidan turfa ne’matlarni yog‘dirgan, bu ne’matlardan sarhisob qilib, ularni javobgar qilgan Allohga hamdu sanolar bo‘lsin! Bu ne’matlar bilan in’om qilgan Zotga ibodat qilish uchun foydalanganlar najot topganlardur, Unga osiylikda sarf etganlar esa, Qiyomat kunida, o‘zlari va oilalari ziyon ko‘rganlar qatorida bo‘ladi. Unutmanglarki, o‘sha kundagi ziyon — haqiqiy ziyondir!
Men: «Sheriksiz va yagona, biron narsani xohlasa unga «Bo‘l!» desa bo‘ladigan Allohdan boshqa iloh yo‘q» ekaniga hamda «Muhammad ibn Abdulloh — Uning payg‘ambarligi bilan payg‘ambarlar va rasullar(ning kelishi) tugallangan zot, Uning hidoyati va siyratiga to‘g‘ri yo‘ldagilargina ergashishiga» guvohlik beraman. Allohim, Muhammad ibn Abdullohga, Uning oilasi, sahobalari va Undan talaffuz, amal, harakat va sokinlikda o‘rnak olgan barchaga salavotu salomlar yo‘lla.
Xamma mumin - musulmonlarning bugungi Juma sayyidul-ayyom bayrami barchangizga muborak bo‘lsin. birodarlar
