Yuqorida bazi a'zolarimiz "shu mavzu yoqmaydi", degan fikrlar bildirishgan. Bo'lishi mumkin. Lekin bir narsani unutmaylik. Bu forumdagi insonlarning jinsi, yoshi, dunyoqarashi, qiziqishlari, diniy bilim doirasi hullas juda ko'p narsasi har xil. Shunday ekan, ular tarafidan ochilgan mavzular ham biri-biridan juda ko'p taraflama farqlli bo'ladi. Oramizda 13 yoshli qizdan 40 yoshga kirgan akalarimizgacha bor. Ho'sh, bu ikki insonni "sen nega bu mavzuda yozding yoki yozmading", deya kamsita olamizmi? Yo'q albatta.
O'z xarakterlarini "topib olgan", hayotning achchiq-chuchugini tatib ko'rgan biriga bazi mavzular yoqmayotgan bo'lsa albatta buni "menga yoqmadi" deb e'tiroz bildirishi shart emas. O'ylab qarang, siz ham bir paytlar yosh edingiz, "dumbul" edingiz, hech kim onasini qornidan olimu-fuzalo bo'lib tusgani yo'q.
Qolaversa, bu yer bir muallim tarafidan "sen yaxshi sen yomon o'quvchisan", deb baholanadigan sinfxona ham emas.
Masalan men 1 yil oldingi bazi hatti-harakatlarimdan uyalaman, yana bir marta shunday narsa boshimga kelsa boshqacha yo'l tutgan bo'laman, deyman o'zimga.
Demakki inson bolasi har kun, har soat yangi narsalar o'rganadi, hayotni taniy boshlaydi.
Bazi birilari sizga yoqmaydigan mavzu ochgan bo'lsa, albatta uni "yoqmadi", deb tilga olishingiz shart emas menimcha. Chunki bu yana takrorlayman, ommaviy forum. Tabii forum qonun-qoidasini buzmagan holda turli xildagi mavzular ochilishi mumkin.
Qarab turingchi, balki u ham bir kuni sizning yoshingizga kelganda to'g'ri yo'lini topib olar. Balki o'ziga-o'zi, "essiz vaqtimni bekorga sarf etibman", deyishi ham aniq.
Yosh bolaga choynakda qaynoq choy borligini ming marta tushintiring u issiq nima, kuyish nima yetarlicha tushunib yeta olmaydi, lekin bir marta qo'li kuysin, "issiq" degan narsaga majburlasangiz ham yaqinlashmaydi. Chunki joni achidi.
İnson bolasi ham shunday, unga "bu xato, unday qilma", deng quloq solmaydi, o'zining xatolari bilan o'rganadi hayotni...
Bir-birimizga qarshi sabrli bo'laylik azizlar...