Abdul Azim Ziyovuddin. Siz payg'ambarni ko'rganmisiz?  ( 78210 marta o'qilgan) Chop etish

1 2 3 4 5 6 7 8 9 10 ... 13 B


Hadija  21 May 2009, 17:14:46

53. Payg‘ambarimizning ikki yelkalari orasi qanday edi?
— keng;
— o‘rta;
— tor.



54. Payg‘ambarimizning "Muhri nubuvvat"lari (payg‘ambarlik muhri) yelkalarining qaerida joylashgan edi?
— o‘ng yelkalarida;
— ikki yelkalari o‘rtasida;
— chap yelkalarida.


Qayd etilgan


Hadija  21 May 2009, 17:15:45

55. Payg‘ambarimizning ko‘kraklarida qancha mo‘y bor edi?
— ko‘p;
— oz;
— mo‘y bo‘lmagan.



56. Payg‘ambarimizning ikki kaft va qadamlari (ya’ni, oyoqlarining to‘piqdan pastki qismi) qanday edi?
— to‘la;
— o‘rta;
— oriq.


Qayd etilgan


Hadija  21 May 2009, 17:16:56

57. Rasululloh sollallohu alayhi vasallam a’zolarining bo‘g‘imlari, ya’ni, har ikki suyaklarining qo‘shilgan yeri qanday bo‘lgan?
— yo‘g‘on;
— o‘rta;
— ingichka.



58. Payg‘ambarimizning kumush uzuklari bo‘lib, ko‘proq o‘ng qo‘llariga, ba’zan chap qo‘llariga taqqanlar.
Savol: Uzukni aynan qaysi barmoqlariga taqardilar?
— o‘rta barmoqlariga;
— nomsiz (to‘rtinchi) barmoqlariga;
— jimjiloqlariga.


Qayd etilgan


Hadija  21 May 2009, 17:19:19

59. Rasululloh sollallohu alayhi vasallam tashqi ko‘rinishda payg‘ambarlardan kimga o‘xshardilar?
— Ibrohim alayhissalomga;
— Muso alayhissalomga;
— Iyso alayhissalomga.



60. Rasululloh sollallohu alayhi vasallam payg‘ambar bo‘lishlaridan oldin biror ustozdan ta’lim olganmilar, o‘qish-yozish savodlari qanday bo‘lgan?
— o‘qish-yozishni ustozdan ta’lim olganlar;
— ma’lumotlari o‘rtacha bo‘lgan;
— o‘qish-yozishni bilmaganlar, ya’ni, ummiy-savodsiz bo‘lganlar.

Qayd etilgan


Hadija  21 May 2009, 17:26:18

61. Rasululloh sollallohu alayhi vasallam payg‘ambar bo‘lganlaridan keyin Alloh taolo u zotni vafotlarigacha ma’sum (ya’ni, katta va kichik gunohlardan pok) saqlaganini yaxshi bilamiz! Ammo payg‘ambar bo‘lishlaridan oldin ham Alloh taolo u zotni katta va kichik gunohlardan pok saqlaganmi?
— ha;
— yo‘q.



62. Rasululloh sollallohu alayhi vasallam payg‘ambar bo‘lishlaridan oldin: "Yaqinda bizning kitoblarimizda xabari kelgan oxir zamon payg‘ambari chiqadi, biz unga iymon keltirib, sizlarning ustingizdan g‘alaba qozonamiz", deb Yasrib (Madina)dagi arab mushriklariga, ya’ni, Avs va Xazraj qabilalariga qarata kimlar dag‘dag‘a qilishardi?
— yahudiylar;
— nasroniylar;
— arab kohinlari.


Qayd etilgan


Hadija  21 May 2009, 17:27:08

63. Rasululloh sollallohu alayhi vasallam payg‘ambar bo‘lishlaridan oldin, Quraysh ahli but-sanamlarga ibodat qilgan paytda, yolg‘iz Allohga "muroqaba" (ilohiy qudrat haqida tafakkur va tadabbur qilish), "tahannus" (gunohlardan saqlanish va but-sanamlarga sig‘inmaslik) va yo‘lovchi miskinlarga taom berish uchun, uch yil davomida Hiro g‘origa har yili to‘liq bir oy borar edilar. O’sha qaysi oy edi?
— safar oyi;
—rabi’ul avval oyi;
—ramazon oyi.



64. Rasululloh sollallohu alayhi vasallam payg‘ambar bo‘lishlaridan oldin u kishida payg‘ambarlik alomatlari yaxshi-rost tushlar orqali paydo bo‘la boshladi. Qanday tush ko‘rsalar, tong ziyosi kabi aniq ro‘yobga chiqar edi. Mana shu tush qo‘rishlari qancha muddat davom etgan?
— olti oy;
— bir yil;
— uch yil.

Qayd etilgan


Hadija  21 May 2009, 17:39:04

65. Alloh taolo Muhammad alayhissalomni O’zi bilan insoniyat orasida ishonchli elchi-payg‘ambar qilib saylaganida, Payg‘ambarimiz necha yoshda edilar?
— 25 yoshda;
— 40 yoshda;
— 50 yoshda.



66. Rasululloh sollallohu alayhi vasallam "Fil voqeasi"ning41-yili payg‘ambar bo‘ldilar. Bu milodiy 610 yil 10 avgustga to‘g‘ri keladi. U zot qaysi qamariy oyda payg‘ambar bo‘lganlar?
— rabi’ul avval oyida;
— ramazon oyida;
— rajab oyida.

Qayd etilgan


Hadija  21 May 2009, 18:06:35

67. Rasululloh sollallohu alayhi vasallam, ulamolar ittifoq qilganlaridek, dushanba kuni payg‘ambar bo‘lganlar. Ammo oyning nechanchi kechasida?
— 7-kechada;
— 8-kechada;
— 17-kechada;
— 18-kechada;
— 21-kechada;
— 24-kechada;
— 26-kechada;
— 27-kechada.



68. Payg‘ambarimizga ilk vahiy (ilohiy xabar) nozil bo‘lgan Hiro g‘ori joylashgan tog‘ keyinchalik nima deb nom olgan?
— "Savr" tog‘i;
— "Nur" tog‘i;
— "Rahmat" tog‘i.


Qayd etilgan


Hadija  21 May 2009, 18:07:49

69. Jabroil farishta ilk vahiy bilan Hiro g‘origa kelganida Payg‘ambarimizga qaysi suratda ko‘ringan?
— asl farishta suratida;
— odam suratida;
— ko‘rinmagan.



70. Payg‘ambarimiz Hiro g‘orida ilk vahiyni qay holatda qabul qilganlar?
— uyg‘oq hollarida;
 —uyqularida.


Qayd etilgan


Hadija  21 May 2009, 18:10:39

71. Payg‘ambarimizga birinchi bo‘lib, qaysi suraning ilk oyatlari nozil bo‘lgan?
— Fotiha surasining;
— Muddassir surasining;
— Alaq surasining;
— "Bismillahir rohmanir rohiym" kalimasi.


72. Payg‘ambarimizning dastlabki vahiyni qabul qilishlari qiyin kechgan.
Alloh taolo aytadi:
"Albatta, Biz sizga (ey Muhammad alayhissalom) og‘ir So‘zni (ya’ni, Qur’onni) tushirajakmiz". (Muzzammil surasi, 5-oyat)
Rasululloh sollallohu alayhi vasallamning birinchi vahiyni qabul qilishdagi qo‘rqinchlarini ketkazish va keyingi vahiyga bo‘lgan sog‘inchlarini oshirish uchun birinchi vahiy bilan ikkinchi vahiy orasida ma’lum muddat uzilish bo‘ladi. Bunga Islom tarixida "fatratul vahiy" deyiladi. Bu uzilish muddati haqida bir qancha ma’lumotlar mavjud bo‘lib, qaysi biri haqiqatga yaqinroq?
— bir necha kun;
— 15 kun;
— 40 kun;
— 6 oy;
— 2,5 yil;
— 3 yil.

Qayd etilgan