Abu Hurayra (r.a)dan:

Rasululloh sollallohu alayhi vasallam dedilar: - Alloh Pokdir va faqat pok narsanigina qabul qiladi. Albatta Alloh Payg‘ambarlarga buyurgan narsani mo‘minlarga ham amr etdi: «Ey Payg‘ambar, halol-pok taomlardan yenglar va yaxshi amallar qilinglar».
«Ey mo‘minlar, sizlarga rizq qilib berganimiz-pokiza narsalardan yenglar».
So‘ng Rasululloh sollalloс›u alayс›i vasallam uzoq safarlarga chiqqan, sochlari (taroq tegmaganidan) patila-patila bo‘lib ketgan, (uzoq safarda yurgani sababli) chang-to‘zon sochining rangini o‘zgartirib yuborgan bir kishi haqida gapirdilar. Haligi odam qo‘llarini ko‘kka cho‘zib: «Parvardigoro! Parvardigoro!» deb duo qilmoqda. Biroq uning yegani harom, kiygani harom va (butunlay) harom bilan oziqlangan. Bunday kishining duosi qanday qilib ijobat bo‘lsin?!».

Muslim rivoyati.

Abu Muhammad Hasan ibn Ali ibn Abu Tolib (r.a)

— Rasululloh sollallohu alayhi vasallamning nabiralari va gul-rayhonlaridan: - Men Rasululloh sollalloс›u alayс›i vasallamdan (quyidagi hadisni) yodlab qolganman: «Seni shubhaga solgan narsani qo‘ygin-da, shubhalantirmaydigan (halol-pokiza) narsani ol.

Termiziy va Nasoiy rivoyati. Termiziy hasan- sahih hadis degan.

Abu Hurayra (r.a)dan:

Rasululloh sollallohu alayhi vasallam dedilar: - Kishining o‘zi uchun muhim (zarur) bo‘lmagan narsalarni tark qilishi uning Islomining go‘zalligi (komilligi)dandir.

Termiziy va Ibn Mojja rivoyati. Hasan hadis

Imomi Navaviy «Sahihi Muslim» sharhida yozadi:

- O’z zamonida mag‘ribda molikiylar imomi sanalgan Abu Muhammad Abdulloh ibn Abu Zayd shunday degan edi: «Barcha xayrli odoblar ushbu to‘rt hadis asosida tarkib topgan:
1. «Alloh va Oxirat kuniga iymon keltirgan kishi (faqat) yaxshi narsani gapirsin yoki sukut saqlasin».
2. «Kishining o‘zi uchun muhim bo‘lmagan narsalarni tark etishi uning Islomining go‘zalligidandir».
3. «G’azab qilma!».
4. «Sizlarning (hech) biringiz to o‘ziga yaxshi ko‘rgan (xayrli) narsani birodariga ham sog‘inmagunga qadar (komil) iymonli bo‘lmaydi».

Ehtimol shuning uchun Imomi Navaviy mazkur to‘rt hadisni «Arba’iyn» safiga kiritgandir. Xurdoniy ushbu hadisni Islom asoslaridan biri sifatida ta’kidlagan.

Buxoriy va Muslim rivoyati.

Ibn Mas’ud (r.a)dan:

Rasululloh sollalloс›u alayс›i vasallam dedilar: - Allohdan o‘zga iloh yo‘qligiga va mening Payg‘ambar ekanimga guvohlik keltirgan musulmon kishining qoni (ni to‘kish) faqat (quyidagi) uch holatdagina halol bo‘ladi: jufti-haloli bo‘lgan (ayol-erkak) zinokor, jonga-jon sifatida (ya’ni qasddan birovni o‘ldirgan kishi) va (murtadlik sababli) jamoatni tark qilib (Islom) dinidan chiqqan kimsa.

Buxoriy va Muslim rivoyati

Abu Hurayra (r.a)dan:

Rasululloh sollalloс›u alayс›i vasallam dedilar: - Kim Allohga va Oxirat kuniga iymon keltirgan bo‘lsa, (faqat) yaxshi so‘zlarni gapirsin yoki sukut saqlasin. Kim Allohga va Oxirat kuniga iymon keltirgan bo‘lsa, qo‘shnisini izzat-ikrom qilsin. Kim Allohga va Oxirat kuniga iymon keltirgan bo‘lsa, mehmonini izzat-ikrom kilsin.
Ibn Hajar yozadi: «Mazkur hadis ham javomeul kalim namunasidir. Yuqoridagi uchta asosni o‘zida jamlagan bu sahih rivoyat qovliy va fe’liy go‘zal axloqlarga targ‘ib qiladi».

Buxoriy va Muslim rivoyati

Abu Hurayra (r.a)dan:

- Bir kishi Nabiy sollallohu alayhi vasallamga: «Menga nasihat qiling», dedi.
- G’azab qilma!- dedilar Payg‘ambar sollalloс›u alayс›i vasallam. Haligi odam iltimosini bir necha barobar takrorladi.
- G’azab qilma!- dedilar Rasululloh sollalloс›u alayс›i vasallam.

Buxoriy rivoyati

Abu Ya’lo Shaddod ibn Avs (r.a)dan:

Rasululloh sollallohu alayhi vasallam dedilar: Alloh ta’olo har bir ishni (shariatga muvofiq tarzda puxta) yaxshi qilishni vojib etdi. Agar (shariat hukmiga binoan biror jonni) qatl qilsangizlar, qatl holatini chiroyli etingiz! (Biror jonliq) so‘ysangiz, uni ham chiroyli amalga oshiringiz. (So‘yishdan oldin) pichoqlaringizni o‘tkirlab oling va jonivorni qiynab qo‘ymang.

Muslim rivoyati

Abu Zar - Jundub ibn Juqoda   va Abu Abdurahmon Mu’oz ibn Jabal   dan rivoyat qiladilar:

Rasululloh   dedilar:

- Qayerda (qaysi zamonda, qay holatda) bo‘lsang ham, Allohdan taqvo qil! Yomonlik ortidan bir yaxshilik qilgin-ki, uni o‘chirib yuboradi. Odamlar bilan chiroyli xulq ila muomalada bo‘lgin.  

Termiziy rivoyati.

Abu Abbos Abdulloh ibn Abbos (r.a)dan:

Bir kuni Nabiy sollallohu alayhi vasallam ulovlarining orqasiga mingashib ketardim.
- Ey bola!- dedilar Payg‘ambar sollallohu alayhi vasallam- Men senga bir nechta (foydali) kalimalarni o‘rgataman: (Alloh hududlariga rioya etib, buyurgan narsalarini bajarib, qaytargan ishlardan tiyilib) Allohni saqlagin, U Zot ham seni asraydi. Allohni saqla-yod etgin, Uni (ng madadini- nusratini) qarshingda ko‘rasan. Agar so‘ramoqchi bo‘lsang, (yolg‘iz) Allohdan so‘ra. Agar ko‘mak istasang, (yolg‘iz) Allohdan ista. Bilgin-ki, butun ummat (insoniyat) senga bir foyda bermoq niyatida jamlansa ham, faqat Alloh ta’olo sen (ing peshonang)ga yozib qo‘ygan foydanigina bera oladi. Agar ular senga bir zarar bermoq qasdida to‘plansalar ham, faqat Alloh senga yozib qo‘ygan zararnigina bera olishadi. (Taqdir) qalamlari ko‘tarildi, (taqdir bitilgan) sahifalar quridi.
Yana bir rivoyatda shunday deyilgan: «Allohni (buyruqlariga bo‘ysunish, qaytargan ishlaridan tiyilish bilan U Zotni) asragin, Uni qarshingda topasan. Yorug‘ kunlaringda Allohni tanigin (unutib qo‘yma), og‘ir kunlaringda U Zot seni taniydi. Bilgin-ki, nima seni chetlab o‘tgan bo‘lsa, uning senga tegishi (taqdirda) yo‘q edi. Senga yetgan narsaning (taqdiri azalda) seni chetlab o‘tishi yo‘q edi. Bilgin-ki, g‘alaba sabr bilan, yorug‘lik-echim qayg‘u-qiyinchilik bilan, og‘irlik yengillik bilan birgadir».

Termiziy rivoyati. Hasan-sahih hadis.