Assalomu Alaykum.
Sheva haqida ko'p gaplar yozilibdi. Barcha shevalarni hurmat qilgan holda aytish kerakki, forumda adabiy til qoidalariga rioya qilinsa yaxshi bo'lardi. Menimcha adabiy tilda yozish Toshkent, Andijon, Buxoro yoki Xorazm shevasida yozishdan osonroq. Chunki adabiy tilni hammamiz maktabda o'rganganmiz, shu bo'yicha diktant, insholar yozganmiz, kitoblar o'qiganmiz. Muayyan bir shevani esa faqat og'zaki nutqda ishlatamiz. Hatto shevada ishlatiladigan ba'zi harflarni yozuvda ifodalab bo'lmaydi. Masalan, Qirg'izistonning Jalolobod viloyati o'zbeklari g' harfi ishlatiladigan "g'alati" kabi so'zlarda g' bilan q o'rtasidagi tovushni chiqarishadi, buni yozuvda qaysi harf bilan yozish kerak?
To'g'ri, ba'zi so'zlar borki, ular shevada ham adabiy tilda ham baravar ishlatiladi: garmdori - qalampir, baxmal - duxoba, to'n - chopon kabi. Lekin aksariyat sheva so'zlarini boshqa shevadagilar tushunmaydi. Shuning uchun adabiy tilni o'rganishga e'tiborni kuchaytirish kerak. Forumdagi off-toplar, forumdoshlar o'rtasidagi ba'zi bahslar ham aynan shu shevada yozish orqasidan kelib chiqadi.
Toshkentliklarning viloyatlardan kelganlarni har turli haqoratli nomlar bilan atashi esa kibrdan boshqa narsa emas. Buning davosi mening fikrimcha faqat va faqat Islom tarbiyasi bo'ladi. Hech qanday mafkura ham, g'oya ham buni tuzata olmaydi. Chunki maktab yoki oliy o'quv yurtida "Mahalliychilik qilish bizning milliy mafkuramizga zid" deb turgan Toshkentlik "mafkurachi" domla bilan ko'chada gaplashsangiz, u ham shu taksichi aytgan gapni aytadi. Lekin shu kibrlanayotgan Toshkentlik ertaga Alloh oldida uning qayerlik ekani emas, kim ekani so'ralishini o'ylamaydi...
Shuning uchun AbdulAziz akamizning gaplariga qo'shilgan holda forumda adabiy tilda yozishga chaqiraman.