Assalomu Alaykum.
Hozir forum statistikasiga kirib tomosha qilib o'tirgandim. A'zolar soni e'tiborimni tortdi. Bir emas, 8 oy davomida forumga yangi a'zo bo'lganlar soni oyiga 1000 tadan oshgan ekan(Avgust, 2011 - Aprel, 2012 oralig'ida). Undan tashqari ham boshqa oylarda o'rtacha 200-300 tadan kishi a'zo bo'lgan. Mayli, boshqa oylarni aytmaganda ham shu 8 oydagi 8000 a'zo negadir statistikada aks etmagan. Bugungi holat bo'yicha (2012 yil, 25 May, Toshkent vaqti bilan 19:59) forumda 4712 kishi ekanmiz.
O'ylanib qoldim. Bu yerda qandaydir texnik xato bormi? Yoki a'zo bo'lganlarning aksari keyinchalik administratordan o'z profilini o'chirtirishni iltimos qiladimi?...
Texnik xatolik yo'q. Haqiqatan shunday.
Gap shundaki, forumning ommaviylashgani sari unga nisbatan texnik tajovuzlar kuchayadi. Ya'ni, turli spam-bot programmalar orqali forumga kirib, o'z mahsulot va xizmatlarini reklama qilishga qiziqish kuchayadi. Hozirda kuniga o'rtacha 50 ta uzer forumga a'zo bo'lmoqda. Lekin ularning ichidan 5-6 tasigini "pichoqqa ilinadigan"laridir. Qolgan 44-45 tasi esa spam-bot programmalar yoki ataylab kirib reklama joylashtirishga harakat qiladigan niyati buzuqlardir. Men esa, faqatgina 5-6 ta uzerga ruxsat berib, qolganlarini o'sha zahotiyoq o'chiraman.
Ba'zida ular ham "aqllilik" qilishadi, o'zbekcha, musulmonchaga yaqinroq nomlar bilan a'zo bo'lishadi-da, men bilmay qolaman. 1-2 soat o'tmasdan ular o'z asoratlarini qoldiradilar. Turli xil "xizmatlar" reklamasi forumda paydo bo'lib qoladi (forum tarixida ikki marta shunday bo'lgan), keyin esa tezlikda ularning profillarini o'chirishga to'g'ri kelgan.
