1997 yil.
Tico mashinasini olganimga hech qancha bo'lgani yo'q edi.
Toychoq yap-yangi hali yog'i ham ketmagandi.
Yangiyer-Guliston bo'ylab kira qila boshladim.
Moshina yangiligidanmi, yoki ALLOHim ishimni rivojini berdimi bilmadim, hullas mijozlarim ko'p bulardi.
Bir kuni yoshlari 30-35 atrofidagi ikki kelishgan, baquvvat yigitlar kelib:
-Aka Buxoroga bormaymizmi deb qoldi.
-Boramiz...
-Qancha bo'ladi bordi-keldi?
-...shuncha,
-Kettik bo'masam...
Taxminan kech soat 20.00larda Buxoroga kirib keldik. Bir choyxonada ovqatlanganimizdan keyin, qandaydir mahallalarga kirib ikki tabaqali darvoza yonida to'xtadik.
-Siz shu yerda kutib turing, biz kechroq yoki ertalab chiqamiz...
-Bo'pti. dedim o'rindiqni yotqizib bir past dam olish ilinjida uxlab qolibman.
Bir uyg'onsam soat 23.00 chiqishmabdi dedimda yaxshilab joylashvolib yana uyquni davom ettiraverdim.
Qadam tovushidan uyg'onib kettim. Tashqarida uch kishi moshina atrofini aylanib, uyga kirib ketishdi, soatga qarasam tungi 1.20.
Chiqishsa bo'lardi dedimda yana uyquda davom ettim.
Bir payt moshina oynasini kimdir taqqillatyapti, qarasam haligi bollardan biri, eshikni ochsam:
-Aka manavini bir joyga qo'yip-qo'ying deb paketga o'ralgan bir nima berdi-da o'zi yana uyga kirib ketti.
O'rindiqni tagiga haligi yigit berib ketgan paketni joyladim. Soatga qarasam 3.30
Yana ko'zim ilinibdi, tongi soat 5 larda oyna taqqillaganidan uyg'onib kettim.
Haligi ikki yigit, qo'lida katta-katta sumkalar bilan chiqishdi-da:
-Kettik aka endi ishimiz bitti dedi.
Gulistonga yetib kelganimizdan keyin, kelishilgan puldan ikki hissa ko'p berishdi-da:
-Rahmat aka, kechasi bilan bizni kutdiz, rozi bo'li dedi.
Ishlar besh. Uyga keldimda yotib damni oldim.
Ertalab turib, moshinani yuvdim.
Nogahon o'rindiq tagidagi paketga ko'zim tushdi, nima ekan deb ochib qarasam pul! Uch yuz ming! U paytlar bu katta pul edi, nima qilay ekan endi deb rosa o'ylandim. Pulni uyda qoldirib, ishga chiqdim. Haligi bollarni qidirib topa olmadim.
Oradan bir oylar o'tdi chamasi haligi bollardan birini ko'rib qoldim, yugurib oldiga bordim-da:
-Uka yaxshimisan, meni tanidingmi?
-Yaxshimisiz? Yo'q tanimadim?
-Eslisanmi bir oy oldin Buxoroga borgandik meni Ticomda.
-E, ha esladim, sog'lig'iz yaxshimi? Tinchlikmi?
-Ha, usha kuni kechqurun oldimga chiqib bir paket berib shu turip-tursin deganding...Esdan chiqibdi ertasi kuni ko'ribman shu omonatni berib qo'yay deb silarni rosa qidirdim. Mana bugun ko'rib qoldim...
-Haaa, umi, u sizi "dolya"iz edi...
-Tushunmadim?
-Nime tushunmis aka, soat 1larda moshinaizi atrofini aylanib uch kishi uyga kirib ketganini eslisizmi?
-Ha, ha
-Ha, biz o'sha kuni o'yinga borgandik Buxoroga, kartada omadimiz chopmay bor pulimizni yutqazdik, uyinga tikadigan pulimiz qomagandan keyin, tashqarida ticomiz bor xohlasalaring shuni tikamiz degandik, usha uch kishi moshinani ko'rgani tashqariga chiqib kelgandi.
Sizi moshinaizi o'yinga tikib keyin qo'limiz baland kelib ertalabgacha ularni hamma pulini yutvoldik, siz ko'rgan ikkita katta sumkalar hammasi pul edi...
Qarshimdagi odamni gapini oxirigacha eshita olmadim...
Qo'l oyog'imdan kuch ketgandi...holsizlana boshladim...Ushandan beri Gulistondan boshqa joyga bormidigan bo'ldim...
Adham akani so'zlarini Shoxruh Mirzo oqqa ko'chirdi.