***
Qaydan keldi bu yalqovlik?
Bugun arang uyg‘otishdi meni
Shovullaydi bahor yomg‘iri.
***
Qiziqamiz yonar qurtlarga,
Qayiqchidan umid yo‘q, u mast,
To‘lqinlar qayiqni surib bormoqda.
***
Oydin qish kechasi
Qor bosgan yo‘llar,
Itga otay desam topilmaydi tosh.

Kechib o‘tdim sayoz va toshli,
Fe’ruzarang daryo suvlarin
Shippagimni qo‘limga olib
***
Oydin kecha
Tiniq sholipoya suvida
Oqib yurar gilos gullari .

Suzayotir qora kemaday,
Sekin asta bulutlar aro
Tog‘ning cho‘qqisi.
***
Shilliqqurtning sira
Chig‘anog‘idan chiqqisi kelmas
Kuzgi shamollar.

Gullagan Yamabuka soyasi,
Suv solingan qovoqda
Biltanglaydi kumushrang baliq.
***
Kimsasizlik.
Daraxt soyasidagi o‘rindiqda
Qarag‘ayning igna barglari.

***
Og‘ilxona ustida
Porlar yangi oy.
Olxo‘ri gullabdi.
***
Qaytarib keladi o‘z ovozimni
Yana o‘zimga
Kuzgi bo‘ronlar.
***
Oy porlayotir.
Oyoq qo‘ydim osma ko‘prikka,
Lapangladi ko‘prik g‘ijirlab .

***
Yurmayotgan otining
Jilovidan tortar zo‘r berib
Aravakash sovuq kechada.
***
Eshitilar oyna ortidan
Dexqon ketmonining chiqirlashlari.
Shudgorda tosh ko‘p.
***
Zilol suvli daryo,
Lapanglab oqmoqda
Suvga qulatilgan xodalar.

***
Tutunlarda ko‘rinmay ketar
Sargashta roxib.
Olislarda yangrar qo‘ng‘iroq.
***
Chug‘urchuqlar galasi
Uchib o‘tdi tepamdan.
Eshitdim qanotlar shuvillashini.
***
Menga sovg‘a berishdi,
Uyga olib ketyapman suvli kosada
Oltin baliqchani.

***
Qish yomg‘iri.
Xamma narsa jim.
Qirg‘oqdagi qayiq ham hatto.
***
Go‘yo itoatkor kapalakni oldiga solib
Xaydab kelayotganga o‘xshar
So‘qmoqdagi yo‘lovchi.

Shunday ketmoqdaman
So‘zanakni qalpog‘imga
Qo‘ndirganimcha.
***
Yolg‘iz o‘tiribman
Romlarga yelimlab
Yangi qog‘ozni.
***
Qanday va qayoqdan qaramayin
Hamon yog‘ayapti to‘xtamay
Yog‘ayapti qor.

***
Chirildoqlar chirillar.
Berkinishning iloji yo‘q
Bu tovushlardan.
***
Hamon uchayapti
Kuzgi daraxtlarning
Yaproqlari sovuq shamolda.
***
Dam olib yotgan chog‘im
Qizil so‘zanak
Oyog‘imga qo‘ndi o‘tloqda.