Yaponiyalik olimlar fikricha, qon guruhiga qarab inson xarakterini aniqlash mumkin. Milliondan ortiq odamlar ishtirok etgan natijalarga ko’ra shunday xulosaga kelindi.
Tomirida birinchi guruh qoni oqadigan kishi har ishda peshqadam bo’lishga intiladi. U o’z oldiga qo’ygan maqsadiga yetmaguncha harakat qilishdan to’xtamaydi. Uning zaif tomonlari esa o’ta rashkchi va o’ziga juda ham yuqori baho beradi.
Ikkinchi gruh qoni egalari esa osoyishtalik, har ishda saranjom — sarishtalikni yaxshi ko’rishadi. Odamlar bilan tez chiqishib ketishadi va ularning fikrini hurmat qilishadi. Ular xushmuomala bo’lish bilan bir qatorda ayrim hollarda qaysarlik ham qilib turishadi.
Qoni uchinchi guruhga mansub odamlar esa o’ta shaxsiyatparastdirlar. Boshqalar e’tiroz bildirsa ham o’z aytganlarini qilishni yaxshi ko’rishadi. Ular har qanday sharoitda ishlab keta oladilar va keng fikrlash qobiliyatiga egadirlar.
To’rtinchi guruh qoni egalari o’ta xotirjam va har qanday vaziyatda o’zlarini tuta oladilar. Ular har ishda halollik bo’lishini istashadi va o’zlari ham bunga amal qilishadi. Hazillashishni yaxshi ko’rishadi, ammo ba’zi hollarda qattiq gapirib yuborishadi. Ularning yana bir kamchiligi — ko’p shubhalanganliklari bois tezda mustaqil qaror qabul qilishga qiynalishadi.
