Qaynotam-jonim otam Qiz bola vaqti kelib, Yaratganning taqdiri bilan turmushga chiqadi. Otasini qanchalik yaxshi ko'rsa ham bir kuni boshqa bir otaga-qaynotaga o'rganishga to'g'ri keladi. Hali turmushga chiqmasdan qaynona haqida ko'p gapiriladi-yu lekin qaynota mavzusida hech to'htab o'tilmaydi.
Rabbim barcha qizlarga otalaridan mehribon, ularni yo'qliklarini qo'ldan kelguncha kam his ettiradigan qaynotalar nasib etsin iloyim.
Qaynotamdan Alloh rozi bo'lsin, ilk kundan menga otaday muomala qildilar. Doimo shafqat bilan yondoshdilar.
İsmim pasportda Zamiraxon, deb yozilgani uchun men haqimda gapirar ekanlar:
"Xonlar Xoni", der ekanlar
U kishi shunday muomala qilganliklari uchun ishoning men ham o'zimdagi juda ko'p qoniqarsiz odatlarni tashladim, chunki inson uyalarkan...
Oilani huzurli bo'lishi eng birinchi navbatda kattalarga bog'liq. Chunki bizni tajribamiz yetmasligi, yangi oilada o'zimizni begonaday his qilishimiz mumkin.
Qaynotam menga "Qizim" deganlari uchun u kishini o'z otamdan hech ayirmadim...
Farzandli bo'lganimda ham juda tashvishlanibdilar, qaynonamga "Kelinim o'zini o'nglab olarmikan-a" deb necha marta jon kuydirib gapiribdilar. Ko'zlaridan yosh kelib, tuzalib ketishim uchun duo qilibdilar...
İnson bolasi shirin so'zni gadosi, men uchun jon kuydirganliklari uchun ularga bo'lgan mehrim yana ham oshdi...
Bekorga-Ota, deyishmagan, to'g'rimi?
Ota degani nazarimda faqat mehr-shafqat degani:)