Bolalar qancha uxlashlari kerak?
Bu savol ko'pgina yosh ota-onalarni o'ylantirishi tabiiy. Yoshiga qarab FARZANDingizning uxlash vaqti me'yorlari ham o'zgarib boradi. Ma'lumki, hamma bolalar har xil - kimgadir ko'proq uyqu lozim, kimgadir - kamroq. Quyidagi maqolada bu haqida batafsil fikr yuritamiz.
Yosh Tungi uyqu Kunduzgi uyqu Sutka davomidagi uyqu
1 oylik 8½ 7 (3 marta) 15½
3 oylik 10 5 (3 marta) 15
6 oylik 11 3¼ (2 marta) 14¼
9 oylik 11 3 (2 marta) 14
12 oylik 11¼ 2½ (2 marta) 13¾
18 oylik 11¼ 2¼ (1 marta) 13½
2 yosh 11 2 (1 marta) 13
3 yosh 10½ 1½ (1 marta) 12
Yodingizda tuting, bolalarning ko'pchiligi ko'p uxlashadi. Ayrim ota-onalar FARZANDi yaxshi uxlamasa, 11 dan kech uxlasa, uxlashdan bosh tortib injiqlik qilsa, unga kup uxlash zarur emas deb hisoblaydilar. Bu xato fikr bo'lishi ehtimoldan xoli emas. Aslida bola uyquga to'ymayotgan bo'lishi mumkin. Quyidagi savollarga javob berib, buni aniqlab olishingiz mumkin:
FARZANDingiz dyarli har doim mashinada uxlab qoladimi ?
Ertalablari uni uyg'otib chiqishingizga to'g'ri keladimi?
Kun davomida bola asabiylashib, injiqlik qilib, tez charchab qoladimi?
Ba'zida kehqurunlari odatdagidan vaqtli uxlab qoladimi?
Yuqoridagi savollardan birontasiga ha deb javob bergan bo'lsangiz, bu FARZANDingiz uyquga to'ymayotganining belgisidir. Uning kun tartibini o'zgartirish uchun har kuni kechqurun qaytariladigan biron tinchlantiruvchi mashg'ulot o'ylab topishingiz, bolani o'z vaqtida uxlatishingiz lozim bo'ladi.
Bola o'sgani sayin, kunduzgi uyqu shart emas. Kechqurun to'yib uxlab olgani kun davomida yetadi. Bog'cha yoshidagi, maktabning boshlang'ich sinfida o'qiydigan bolalarga 11 soatlik uyqu kerak. O'smir yoshidagilar esa sutkada 9-10 soat uxlasa yetarli.
Manba: farzand.uz