Shokoladli puding
Zarur masalliqlar:
100 gr achchiq shokolad, 300 gr
sut, 2 chimdim vanilin, 1 dona
tuxum, 3 osh qoshiq shakar
kukuni, 1 osh qoshiq kraxmal, 70
ml qaymoq, 5 osh qoshiq rezavor
meva siropi, 75 gr pechenye
Tayyorlanishi:
1. Qaynatilgan sutga vanilin va
bo'laklangan shokolad qo'shib,
eriting. Alohida idishda tuxum
sarig'ini 1 osh qoshiq shakar
kukuni qo'shib ko'pirtirib,
kraxmal bilan birga sutga
qo'shing. Qaynab chiqqach olovni
o'chirib qo'ying. Ko'pirtirilgan
tuxum oqini ham solib, sovuting.
2. Qaymoqni ko'pirtirib, kremga
qo'shing. Tovada 2 osh qoshiq
shakarni ho'rozqand holiga
kelguncha eriting. So'ng 2 osh
qoshiq siropni qo'shib, 4 dona
turli shakldagi karamel donalarini
yasang.
3. Puding massasini bir shaklga
keltirib tekislab, 30 daqiqa
muzlatkichga qo'ying. Pechenyeni
maydalab 3 osh qoshiq siropga
bo'ktiring. Uni tayyor kremga
aralashtiring. Avval tayyor
karamel, so'ng kremni ustma-ust
taxlab, muzlatkichga yana 3
soatga qo'ying.