Mana yana oila buzilishiga misol...

<a href="http://www.youtube.com/watch?v=3x9nFFRAPNI" target="_blank">http://www.youtube.com/watch?v=3x9nFFRAPNI</a>

Assalamu alaykum.
Har bir buzilgan oilani o'ziga yarasha sabablari, bahonalari bo'ladi. Va bular hech qachon bir-birsinikiga o'xshamaydi.
Hammasi har turli bahonalar topadi. Afsuski, bunday ishlar kundan kunga ko'payib ketmoqda...
Oila egalari har xil bahona topishganidek, oilalarni buzilishiga ham har xil narsa sabab bo'ladi...
Eng asosiy sabab, oilada erkak o'z o'rnini va burchini, ayol o'z o'rnini va burchini bilmagandan.
Bir oilaga borsangiz: Oilada ayol hukmron, bunday oila ajrashmagan bo'lsa ham ko'pga borishi qiyin.Erkak "sabr" qilsa ham ayolni joniga tegadi bunday hayot. Kun keladiki eri unga yoqmay qoladi. (bu anchalik qo'pol, lekin haqiqat)
Boshqasida esa: ayol qul o'rnida bo'ladi, uni bir mato o'rnida ko'rishadi...bunga ayol "sabr" qilib yashasa ham, erkak boshqasini xohlab qoladi.
Bundan tashqari yana ko'p ko'p sabablar bor:
Yetishmovchilikka sabrsizlik;
bir-birisini hurmat qilmaslik;
o'z haqqini juda "yaxshi" bilish va buni tinmay talab qilish, ayniqsa bu narsa hozirgi kunda ayollar o'rtasida ko'p uchrayapti;
erni kuchi va puli yetmaydigan narsalarni talab qilish;
kelin tomondan yaxshi sep kelmagani;
otasini yoki akasini yog'lig' joyda ishlamagani;
kuyov bolani boshqa qizni yoqtirib qolgani;
ehhheee sanayversak sabablari juda ko'p...
Hattoki bu narsalar islomni tushungan oilalar o'rtasida ham bo'layotgani kishiga og'ir botadi.
Agar erkak ham, ayol ham o'z o'rnini va burchini, vazifalarini bilsa, kuchi yetganicha shularni bajarishga harakat qilsa, erkak ham ayol ham bir-birini kamchiliklarini kechirib sabr bilan yashasa va bu kamchiliklarni yo'qotishga harakat qilsa, bu oila hech qachon buzilmaydi, InshaAlloh.
Alloh har bir narsada belgilab qo'ygan had - chegaralar mavjud Shu chegaradan chetga chiqmagan bolatda, boshqalarni haqqiga rioya qilgan holatda, Qiyomatni o'ylagan holatda yashagan kishini hayoti ham oilasi ham ibrat bo'ladigan darajada bo'ladi, InshaAlloh....
Alloh barchamizni ahli oilalarimizni ham, o'zimizni ham dinu dunyoyimzini isloh qilsin... Amiyn.

Odam bolasi : "Men nimaga dunyoga keldim, meni kim yaratdi, asosiy vazifam nima", deb so'rab bunga Allohning buyruqlari asosida javob bermagunicha erkak ayoliga, ayol -erkagi va farzandlariga bo'lgan masuliyatini joyiga qo'ya olmaydi.
Bir oilani taniyman, 3 farzandi bor, ajrashishga qaror berishibdi, sababi bir-birimizni tushunmay qoldik. Erda ham xotinda ham agar yetarlicha iymon bo'lganida avvalo ularga berilgan farzandlar uchun ham bundan keyingi umrlarini o'z hoyu-havaslari uchun emas, Allohning rizoligi uchun kechirardilar.
Har kimning iymoni, Alloh bilan bo'lgan munosabati o'ziga yolg'iz Alloh biladi, lekin ajralish sabablarini eshitib turib, shunday hulosaga keldim, afsus.
Butun sabablar o'tkinchi dunyoning sinovlardan iborat bahonalari.
Er va xotin agar namoz o'qisa hech bo'lmasa bir vaqt namozida "o'zidan ketadi", men men degan egoist tushunchalaridan uyalib, Allohga yo'naladi. O'zidan so'raydi, men nima qilyabman, 3 kunlik dunyoda farzandlarimni yetim qilishga arziydimi. Farzandsizlikdan ajrashayotganlar qancha, erimga yoki ayolimga mehr berdim-mi, deb....
Hullas, oiladagi butun muammolarning yechimi yana iymon kuchida...

Shu mavzuda bir savol o'tkazsam?

Sizning fikringizcha oilada tinchlik totuvlik bo'lmasayu, ota-ona ajrashmoqchi bo'lsa, oilaning saqlab qolingani yaxshimi, yoki ajrashishgani?

Yaxshilab o'ylab javob berishingizni istardim.
Deylik ota ichuvchi, oila bilan ishi yo'q....
Bolalarga so'zdagi "ota"dan boshqa otalik qilmaydi...
(bu bir misol)

Fikrlaringiz...

mani fikrim ajrashgani maqulmas!!!!!!!! vaqtim kamligi uchun qisqa qilib javob berib qo'ya qoldim.

ota ichuvchi bo'lsa bollari va turmush o'rtog'i sabrli bo'lsa yaxshi bo'lardi. Faqat duoda bo'lishsa bir kun kelib balkim usha ichuvchi ota hidoyatga kirsa na ajab faqat buning uchun sabrli bo'lsa bas. Olloh bandalarini har xil kurinishda imtihon qiladi shu ichivchi otani uy a'zolari ham shu imtihonda bo'lishlari mumkin. Yaxshi tushuntirishlar bilan tushuntirishsin ota o'z bollarini o'ylamasa ham lekin ichib kelib bollardi oldida baqirgani hijolat bo'ladi bollaridan. Eng yaxshi yo'l ollohdan usha otaga hidoyat surash

Masalaning yana bir tomoni bor.
Siz etganchalik hamma otalar ham xozirda farzandlaridan uyalmaydilar ichib...
Allohdan uyalmagan, ayolidan uyalmagan farzandidan uyaladimi?

Bola tarbiyasichi? Bunaqa muhitda o'sayotgan aksariyat bolalar alamzada bo'lib o'sadilar.
Bu bola ruhiyatiga, uning kelajagiga qattiq ta'sir qilmaydimi?

yo'q unday emas, siz o'ziz shunday holga tushmagansiz to'g'rimi dadez ichmasalar kere ichmasinlar ham. SHuning uchun boshidan kechirgan inson aytish kere bu narsalardi. Yoshligimdan beri mani  bir yaqin do'stim bor va hozirda bir dukonda birga ishlimiz yaqin do'stm 23da  haligacha shu dadasi ichib keladi , lekin shu bola 23 yildan beri ichivchi otani qo'lida o'sib yomon inson bumadi. Otasini ichib kelib mast holatini ko'rgan bola shu otaga o'xshamasligi uchun harakat qilib kotta bo'ldi bunga onasining e'tiqodli ollohga buysungan onasining yordami kotta bo'ldi. Onasi ham 23 yil sabr qildi boshqalar balkim undan kam vaqt sabr qilishar balkim undan ko'p sabr qilishar buni olloh biladi. Ushanchun otalarimizi olloh shunday inson qilib qo'ymagani uchun ollohga shukr qilish kerak.

Savol ajoyib bo'pti.. Men Jamshidjon birodarni gaplariga qo'shilaman...

Bu yerda juda ko'p oilalar aziyat chekayotgan ichuvchilik illati haqida gapirilibdi. Bunday oila nima qilishi lozim, ajrashish yoki sabr, shunga o'xshash savollar...

Avvalo, otasining ichuvchiligi ham shu oila, unda voyaga yetayotgan farzandlar, ayol uchun bir sinov. Bunday holda janjalu, urushlar, behuda asabbuzarliklar foyda bermaydi. Undan ko'ra Allohga shukr, ichsa ham otamku, erimku, anu ayolni eri o'lgan, yoki u dugonam otasiz, harqalay mani otajonim bor deydiganlar, namozu duolarida g'oyibdan otasini hidoyatli qilishini so'raydigan oilalar yo'q emas...
Eri ichib kelganda ham yuzida kulgi bilan xizmatini qilib, otajonisi, keling, charchamadizmi, yaxshi keldizmi deya kutvoladigan ayolga tasannolar aytsa arziydi...
 Otasi ichganini qo'shnilar ko'rib gap so'z bo'lmasin, ayb qilmasin deya tunlar yig'lab chiqadigan farzandlar oz bo'lsada, bor...
 Yana bir gap: bu hol, ya'ni oiladagi muhit bola ruhiyatiga faqat salbiy ta'sir o'tkazmaydi. Aksincha, Jamshidjon aytganlaridek, bunday oilada tarbiyalanayotgan bola kelajakda men bunday qilmayman, xotin, bola chaqamni xijolatga qo'yadigan ish qilmayman deya to'g'ri yo'lini belgilay boradi..
Ha, yana bir gap, (gapim ham ko'payib ketdida) ota ichsa ham, baribir tarbiya tizgini uni qo'lida bo'ladi, bolalar undan hayiqishadi. Doimiy ichadigan bo'lgan taqdirda ham OTA o'z o'rnini yo'qotmaydi.. Harqalay bor shunday oilalar..

 Endi savolga kelsak, bunday holda ajrashish noto'g'ri. Balki duo qilish va uni ijobatini talab qilish lozim!

Uzr, aancha ko'p gapirvordim, rozi bo'lasizlar

Jamshidjonni gaplariga qo'shilgan holda, men ham bir misol keltirmoqchi edim. Juda yaqin qarindoshlarimizdan birining eri, turmush qurishgan kundan beri ichardi, 4-5 farzandlari ham bo'ldi, uylantirishdi, nabiralari tug'ildi. Lekin er ichishni tashlamadi. Ayol namoz o'qishni yillar oldin o'rgangandi. To'htamay eri uchun duo qildi. Bazan yashirincha yig'lardi, "namozimni endigina o'qib, shirin shirin xayollar bilan duo qilgandan keyin, aroq hidi kelgan xonaga, erimni yoniga kirganimda dunyo ko'zimga tor ko'rinib ketardi," deb ancha siqilardi.
 
Eri ham o'zi dindan uzoq bo'lgani yetmaganday ayolini va endigina namozga boshlagan farzandlarini mashara qilar, ro'zasini "ochasan" deb zug'um qilardi...

Lekin Rabbim suyukli qulining duolarini qabul qildi, ayolning sabrini mukofotini berdi. Bir kun er hayotida 1 chi marta Ro'za tutti, kechga tahorat olib, namozga chiqdi masjidga...
Shu kunlarga ham 6-7 yil bo'libdi...

Alloh sabr-bardosh qilgan ayolga faqat O'zigina mukofotini bera oladi.
Chunki ayolning sabrini hammamiz ham ko'rsata olmaymiz.
Mahdiyaning deganlariday, farzandlarga ham ota ham ona bo'lgan, o'qishlarida, ishlarida ularning tarbiyalarida "bosh" yana mushtipar ona bo'ldi.

Mahalla ko'ydagilar: "Hay falonchi qarang eringiz yana gandiraklab kelyabdi", deganida ko'z yosharini ichiga yutib, erini "hush kelibsiz dadajonisi" deb kutib olgan yana ayol bo'ldi...

Farzandlari : "Aya, dadamni yomon ko'raman," deb zor qaqshaganda "bolam dadang haqida bunday xayolga borishlaringga aslo yo'l qo'ymayman, deb butun qiyinchiliklarga bardosh bergan yana muborak ayol bo'ldi"....

Sabr, sabr yana sabr....