Bir olimdan so’rashibdi: "œUkangni ko’proq yaxshi ko’rasanmi yoki do’stingni?"
Olim javob beribdi: "œUkamni, agar u do’st bo’lsa"

Adiblarning biri aytdi: "œZahiraning afzali vafoli do’stdir".

haqiqiy do'st ko'zgudir ,unda o'zingni ko'ra boshlaysan ....

Besh narsa insonning haqiqiy hamrohi bo'lar ekan. Ular bizdan hech qachon ajralmaydigan bizning ikkinchi bo'lagimiz, bizni najotga olib chiqadigan yoki botqoqlikka botiradigan hamrohlarimiz ekan. Kimki shularni bilsa, tanisa najot topibdi. Agar bilmasa va tanimasa halokatga yuz tutibdi.
1.Alloh.
2.Nafs.
3.Shayton.
4.Dunyo.
5.Xaloyiq.

Alloh senga neni taqdir qilibdi, shunga rozi bo'l. Unga haqiqiy DO'st bo'la olishingni bu dunyoda isbotla. Shunda ikkinchi hayotingda U seni qo'llaydi. U senga hech qachon bevafolik qilmaydigan Chin DO"STdir.

Nafsga muxolif bo'l. U neni buyursa sen aksini qil. SHunda uni jilovini qo'lingda ushlaysan.

Shaytonga adovat va dushmanlik birla bo'l. Hech qachon uni o'zingga do'st deb bilma. U sendagi barcha yaxshi va hayrli fazilatlaring va amallaringni ketkazmaguncha tinchimaydigan, seni muslimligingga hasad qilguvchi, seni Ulug' DO'stingdan qizg'anuvchi, Seni Jannatga noloyiq deb bilguvchi Jahannam o'tlarida o'ziga hamroh qilishni istagan dushmaningdir. Shuni hech qachon yodingdan chiqarma.

Dunyo bilan halol muomalada bo'l. Bu dunyo va undagi mol mulk hech qachon seniki bo'lmagan, bo'lmaydi ham. Uning ozginagina senga berilgan qismidan sarmast bo'lib kibrga berilma. U sendan tez orada tortib olinadi va hisobi so'raladi.

Xalq bilan shafqat ve mahribonlik ila muomala qil. Go'zal axloq sohibi bo'lishliging sen uchun ikki dunyoda ulug'likni keltiradi. Badxulq kishini Alloh ham sevmaydi. Agar Allohga qilayotgan ibodatlaring go'zal bo'lsa-yu, lekin xulqing xunuk bo'lsa,sen faqat o'zingni, bunga qo'shib sen qatori amali go'zal musulmonlarga ham dushmanlik qilgan bo'lasan. Insonlarni ko'nglini dindan olimlardan, musulmonlardan sovitgan bo'lasan. Unutmaginki, Iymon suv bo'lsa, axloq unga idish bo'ladi...

Agar bu aytilgan narsalarga amal qilib yashay olsang, baxting muborak bo'lsin.
Aks holda....

 

"Yaxshi do`sti bor insonning oynaga ehtiyoji yo`qdir!"

Mavlono Jaloliddin Rumiy

do'stingdan bir martta jafo ko'rsang ,uning ming martta vafo qilganini unutma.

                                                              Jaloliddin Rumiy

Dunyoning shodligi yig'ilsa butun
Do'stlar diydoridan bo'lolmas ustun.

Agar yahshilikka burishning birorta yahshi yo’li bo’lsa,mo’min birodaringdan  chiqqan so’z haqida  faqat yahshi gumon qil.
                         
                         Umar ibn Xattob

Do'stning eng yaxshisi, nafsini jilovlay olganidir.
Do'stning eng yomoni nafsining quli bo'lganidir

Akbar Jalilov

Do’st tanlash haqida

اباك و مصادقه الاحمق ، فانه يريد ان ينفعك فيضرك و مصادقه البخيل ، فانه يبعد عنك احوج ماتكون اليه ، و اياك و مصادقه الفاجر، فانه يبيعك بالتافه ، و اياك و مصادقه الكذاب ، فانه كالسراب : يقرب عليك البعيد و يبعد عليك القرب

Tarjimasi: Nodon odam bilan do’stlashmagin, chunki bunday do’st senga foyda keltiraman deb zarar keltiradi. Baxil odam bilan ham do’stlashmagin, zero u sen unga eng muhtoj bo’lib turgan paytingda seni tashlab ketadi.  Fojir odam bilan do’stlashma, zero u seni eng arzon qiymatga bo’lsa ham sotvoradi. Yolg’onchi odam bilan ham dost bo’lmagin, chunki sening ko’zingga uzoq narsani yaqin qilib va yaqindagini esa uzoq qilib ko’rsatadi.

Izoh: Hazrat rasuli akram (saov) va shuningdek hazrat Ali (alayhi salom) eng ko’p ta’kidlab o’tgan masalalaridan biri bu do’stni tanlashni bilish haqidadir. Shunki aybu kamchiliklari ko’p bo’lgan odam o’z do’stiga ham yomon tasirini o’tkazmay qo’ymaydi. Shuning uchun tanlagan do’stlarimizda hech bo’lmaganda aytilgan to’rt sifat yani nodonlik, baxillik, fojirlik va yolg’onchilik bo’lmasligi kerakdir.

Nodon odam garchi samimiy bo’lishi mumkin bo’lsa-da, lekin aqlining kaltaligidan foyda va ziyonni bir-biridan yaxshi ajrata olmaydi va shuning uchun o’zi istamagan holda bo’lsa-da zarar yetkazishi mumkin.

Baxil odam esa molu dunyoga o’ch bo’lganligi uchun toki do’sti muhtoj bo’lmagunicha uning yonida bo’ladi. Lekin mabodo do’sti qiyinchilikka duch kelib yordamga muhtoj bo’ladigan bo’lsa, u holda o’z boyligini ayagan baxil do’stligidan ham osonlikcha kechib qo’ya qoladi.

Fojir va gunohkor odamlar bilan ham do’stlashish yaramaydi. Zero unday odamlar oxiratlarini dunyoga almashganlar. Do’stlarini ham arzimagan narsaga almashishlari tabiiydir.

Yolg’onchi odam ham do’stlashishga loyiq emasddir. Chunki u qilgan yomon amallarini yaxshi qilib ko’rsatadi. Natijada yolg’onchi odam bilan do’stlashgan odam bora bora yaxshi amallarni yomon ko’rib qoladi, o’zi ham yaxshi amallarni tark qiladi. Boshqa tarafdan esa yomon ishlarni qila boshlaydi, chunki bunday amallar ko’ziga chiroyli ko’rinib qoladi. Shunday ekan aziz do’stim, do’st tanlashga alohida ahamiyat bergin , ehtiyot bo’lginki tanlagan do’stlaring sanab o’tilgan 4 guruh odamlardan bo’lmasin.