'YUVENTUS'  DARVOZABONI  'UDINEZE'DA


"Yuventus" zahira darvozaboni Emanuele Belardi "Udineze" a'zosiga aylandi. Avvalgi mavsumda Belardi "Udi" safida ijara asosida to'p surgan edi. Endi klub uni butunlay sotib olishga qaror qildi.

'ROMA'  PREZIDENTI  VAFOT  ETDI

"Roma" prezidenti Franko Sensi uzoq davom ergan kasallikdan so'ng yakshanba kuni 82 yoshida olamdan o'tdi. U "Roma"ga 1993 yil may oyidan buyon prezidentlik qilib keladi. Hozircha rimliklarga Franko Sensining qizi Rossela Sensi vaqtinchlik prezidentlik qiladi.

'MILAN' YUNGBERGGA QIZIQMOQDA

Channel 4 axborot manbasi xabariga ko'ra "Milan"  "Vest Xem" (Angliya) sobiq futbolchisi Frederik Yungberg bilan qiziqib qoldi. "Rossonerilar" Shvetsiya terma jamoasi yarimhimoyachsi hisobiga tarkibni kuchaytirmoqchi.

'YUVE'  TERLITSSI ISHQIDA


Turinliklar "Katanya" himoyachisi Kristian Terlitssi ishqida yonmoqda. Sal avvalroq "Yuve"ning ishonchli himoyachisi K'ellini jaroxat olib kamida bir oyga safdan chiqdi va "keksa siniora" zudlik bilan boshqa futbolchi izlashga tushdi. "Yuventus" Terlitssini bir mavsumga ijaraga olishni mo'ljallamoqda.

SUASO  "BENFIKA"GA O'TADIMI?


"Inter" xujumchisi David Suaso Portugaliyaning "Benfika"siga o'tishi mumkin. Portugaliyaliklar sport direktori Ruy Koshta ham bu ma'lumotni tasdiqladi.  "Benfika"dan tashqari "Portu" (Portugaliya) va "Manchester Siti" (Angliya) kabi klublar ham Suasoni o'z saflarida ko'rishga qarshi emaslar.

DAKUR  KETMOQCHI

"Inter" fransiyalik yarimhimoyachisi Oliv'e Dakur bilan xayrlashishga tayyor. Dakurning o'zi ham "Inter"dagi xolatidan mamnun emas. Chunki yozda jamoaga ganalik Salli Muntari keldi va Dakur zahirada o'trishga majbur. Hozirda Dakurga Fransiyaning "Monako", "PSJ","Oser" kabi klublari qiziqmoqda.

TIAGU  "EVERTON"NI RAD ETDI

"Yuventus"ning portugaliyalik futbolchisi Tiagu Mendseh Angliyaning "Everton" klubidan tushgan taklifni rad etdi. U o'zini Tumanli Albionga qaytishga tayyor emas deb hisoblamoqda. Sal avvalroq u boshqa ingliz jamoasi "Tottenxem"ga ham rad javobini bergan edi.

"YUVENTUS" BALLAKKA QIZIQMOQDA


Italiyaning "Tuttosport" nashriga ko'ra turnliklar "Chelsi"(Angliya) ning germaniyalik yarimhimoyachisi Mixael Ballakka qiziqib qolishgan. "Yuve" Ballakka yiliga 4,5 million yevro miqdorida maosh to'lashga tayyor.

ITALIYA  SUPERKUBOGI:



INTER - ROMA - 2:2 (Penaltilar bo'yicha 6:5)


Gollar: Muntari, 18 - 1:0, De Rossi, 59 - 1:1, Balotelli, 82 - 2:1, Vuchinich, 90 - 2:2

ADRIANO  "MYU"GA KETISH NIYATIDA



Gazetta dello sport nashri xabariga ko'ra, Angliyaning "Chelsi" va "Manchester Yunayted" klublari "Inter" xujumchisi Adrianoga qiziqib qolishgan. Lekin Adriano bosh murabbiy Joze Mourinyoning rejalari qatoriga kiradi. Bundan tashqari braziliyalikni "Inter" bilan qolgan 2 yillik shartnoma bog'lab turibdi.